Papularnaja navuka pa-biełarusku raspačynaje novy siezon. Prychodźcie ŭ čaćvier
Leta skončyłasia, a heta značyć, što papularnaja navuka pa-biełarusku abjaŭlaje novy siezon. Užo 24 vieraśnia projdzie pieršaja sustreča z šerahu lekcyj pa fizicy ad supołki «Znajdzi svaich». I zaraz jany abiacajuć być nie tolki cikavymi, ale i strukturavanymi.
Z čaho pačniem? Dy z samaha pačatku! Maksim Białoŭ, staršy vykładčyk Biełaruskaha dziaržaŭnaha ŭniviersiteta, kandydat fizika-matematyčnych navuk raspaviadzie pra historyju i evalucyju fizičnych idej. Buduć razhledžany try asnoŭnyja malunki śvietu, a mienavita: antyčny, kłasičny i sučasny. Havorka pojdzie taksama pra nakirunki raźvićcia sučasnaj navukovaj i techničnaj dumki, sintez idej i miždyscyplinarnaść. Farmat praviadzieńnia lekcyi, jak zvyčajna, prosty i zrazumieły.
Biez ahladu nie zastanucca i mietady vykładańnia fiziki jak navuki. A samaja smačnaja častka — budzie razhledžana rola robataŭ u sučasnaj pramysłovaści i navucy, možna budzie daviedacca, jak z dapamohaj ich možna zrazumieć fiziku. Niešta navat budzie prademanstravana, tamu varta pryjści i pahladzieć.
Budziem rady bačyć kožnaha z vas!
Usich čakajem u čaćvier, 24 vieraśnia, 19.00, halereja TUT.BY (pr. Dziaržynskaha, 57, pobač sa st.m. Michałova). Uvachod volny.
Ciapier čytajuć
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu10
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu5959
Kamientary