Viadučaja prahramy «Śvieckaje žyćcio» na ŭkrainskim kanale 1+1 Kaciaryna Asadčaja praciahvaje sačyć za žyćciom zorak. Apošni jaje ŭłoŭ — kapitan kamandy KVZ «Ujezdny horad» (zbornaja Čelabinska i Mahnitahorska) Siarhiej Pisarenka, jaki, jak vyśvietliłasia, užo davoli daŭno pierabraŭsia z Mahnitahorska ŭ Kijeŭ.
Jak akazałasia, paśla šmatlikich zdymak va Ukrainie rasijski šoumien abzavioŭsia tut nie tolki domam, ale i žonkaj. Zrešty, ukraincam jon siabie pakul nie ličyć: dla hetaha treba jak minimum razmaŭlać na ŭkrainskaj movie, adznačyŭ artyst.
Pa słovach Siarhieja, jaho kalehi z Rasii pierastali jeździć va Ukrainu, bo aścierahajucca asudžeńnia z boku suajčyńnikaŭ, roŭna jak i ŭkrainskija dziejačy kultury. Adnak jaho heta nie spyniaje, bo humar jon ličyć vyšej za palityčnyja roznahałośsi.
Svaim siabram i blizkim jon raspaviadaje, što ŭkraincy, jak i raniej, vydatna staviacca da prostych ruskich ludziej. Sam jon rehularna lotaje ŭ Rasiju, kab adviedać svaich baćkoŭ. Voś tolki pieraloty ciapier zajmajuć nie mienš za dzieviać hadzin.
Ciapier čytajuć
Brat biełaruskaj karalevy pryhažości trapiŭ u reanimacyju ŭ Azierbajdžanie3
Brat biełaruskaj karalevy pryhažości trapiŭ u reanimacyju ŭ Azierbajdžanie
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary