Aleksijevič i jašče kala 300 dziejačaŭ kultury patrabujuć vyzvalić Saŭčanka
Kala 300 dziejačaŭ navuki, kultury, biznesu z usiaho śvietu padpisali zvarot u abaronu Nadziei Saŭčanka, źviernuty da jeŭrapiejskich lidaraŭ.
Jany zaklikajuć jeŭrapiejskich palitykaŭ «pryniać nadzvyčajnyja miery z metaj nieadkładnaha i biezumoŭnaha vyzvaleńnia 34-hadovaj Nadziei Saŭčanka, hramadzianki Ukrainy, vykradzienaj i źmieščanaj u turmu na 20 miesiacaŭ u Rasijskaj Fiederacyi». Na dumku aŭtaraŭ lista «naša zdolnaść vyratavać jaje žyćcio budzie pravierkaj efiektyŭnaści mižnarodnaj dypłamatyi i našaj addanaści jeŭrapiejskim kaštoŭnaściam».
Ad Biełarusi padpisantami zvarotu stali łaŭreatka Nobieleŭskaj premii, piśmieńnica Śviatłana Aleksijevič i pierakładčyk Siarhiej Smatryčenka. Taksama svaje podpisy pastavili litaratary Tomas Viencłava (Litva-ZŠA) i Elfryda Jelinek (Aŭstryja), piśmieńnik Viktar Šandarovič(Rasija), režysiorka Ahnieška Chołand (Polšča), fiłosaf Biernar-Anry Levi (Francyja). U abaronu pałonnaj ukrainskaj lotčycy vykazalisia Hi Verchofštat (były premjer-ministr Bielhii), Leŭ Šłośbierh (partyja «Jabłoko», Rasija) dy inšyja.
Dałučycca da inicyjatyvy mohuć usie achvočyja: svoj podpis pad adkrytym listom možna pastavić.
Jak paviedamlałasia raniej, 3 sakavika Nadzieja Saŭčanka abviaściła suchuju haładoŭku ŭ suviazi z tym, što joj nie dali pramović apošniaje słova ŭ sudzie.
«Kali mnie prylacić, ja hatovaja». Nasta Rahatko — pra seks-scenu ŭ svajoj knizie, prarasijskich svajakoŭ, Hajun i Matolku32
Kamientary