Parotnikaŭ: «Ruski śviet» maryć nie prosta pra pahłynańnie biełaruskaj dziaržavy, a pra źniščeńnie abo vyhnańnie nośbitaŭ nacyjanalnaj śviadomaści
Kiraŭnik analityčnaha prajekta Belarus Security Blog Andrej Parotnikaŭ na svajoj staroncy ŭ fejsbuku prakamientavaŭ zatrymańnie troch čałaviek, jakija pisali dla rasijskaha ahienctva Regnum.
«Zatrymali nie prychilnikaŭ sajuza z Rasijaj ci amataraŭ rasijskaj słaviesnaści. Zatrymali piersanažaŭ, jakija zaklikali da źniščeńnia biełaruskaj dziaržavy. Možna pa-roznamu stavicca da isnujučaha paradku rečaŭ u Biełarusi, ale fakt zaklučajecca ŭ tym, što źniščeńnie jaje dziaržaŭnaści supravadžałasia b hibiellu dziasiatkaŭ, a, chutčej za ŭsio, sotniaŭ tysiač našych suajčyńnikaŭ. «Ruski śviet» u abliččy svaich adeptaŭ maryć nie prosta pra pahłynańnie biełaruskaj dziaržavy, ale i pra źniščeńnie abo vyhnańnie nośbitaŭ biełaruskaj nacyjanalnaj samaśviadomaści», — piša Parotnikaŭ.
«Heta toje, što na Zachadzie nazyvajuć «złačynstvami nianaviści». Takim čynam, zatrymanyja subjekty nie źjaŭlajucca ni pakutnikami za svabodu słova, ni palitviaźniami. Palityčna i jurydyčna pazicyja biełaruskich uładaŭ biezdakornaja», — dadaje jon.
Parotnikaŭ taksama ličyć, što kiraŭnica kampanii «Naš dom» Volha Karač i kandydatka na prezidenckich vybarach 2015 hodu Taćciana Karatkievič, jakija vystupili ŭ abaronu zatrymanych, «siabie pachavali ŭ jakaści palitykaŭ u hetaj krainie. Bo pa fakcie vystupili ZA źniščeńnie dziaržavy, jakuju nibyta pretendujuć uznačalić, ZA zabojstva sotniaŭ tysiač jaje hramadzian. Usio roŭna, ź jakoj pryčyny heta było zroblena: za hrošy, pa duraści ci z kaštoŭnasnych mierkavańniaŭ. Paśla hetaha ich palityčnaja karjera skončana».
«Biezumoŭna, heta nie vyklučaje dyskusii adnosna hieapalityčnaj aryjentacyi krainy: Rasija, Zachad ci izalacyjanizm (asabista ja — izalacyjanist). Ale bazaj hetaj dyskusii moža być tolki pabudova samastojnaj, ekanamična i technałahična raźvitoj nacyjanalnaj biełaruskaj dziaržavy», — piša Andrej Parotnikaŭ.
-
«Toje, što jany robiać, heta i adpaviadaje intaresam». Paźniak pachvaliŭ Łukašenku ŭ situacyi z ultymatumam Zialenskaha
-
Illa Andrejeŭ: Starajusia bačyć mahčymaści, jakija dała nam vymušanaja emihracyja
-
«Ja nie chaču ŭ zahončyk biełaruščyny». Knyrovič adkazaŭ na krytyku za ŭdzieł u kancercie na Dzień Rasii
Ciapier čytajuć
Zialenski: Retranślatary na miažy Biełarusi prypynili pracu71
Zialenski: Retranślatary na miažy Biełarusi prypynili pracu
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1212
Kamientary