Telepiersanaž BT i ANT Piotra Piatroŭski nazvaŭ abaroncaŭ Kurapat «p…»
Zaŭsiodnik prapahandysckaj teleprahramy «Sprava pryncypu» Piotra Piatroŭski nazvaŭ abaroncaŭ Kurapat «p…». Hetaje vykazvańnie jon zrabiŭ u fejsbuku, dzie jon aktyŭničaje ŭ prarasijskich supołkach.
Piotra Piatroŭski — asabliva časty hość u pieradačy Vadzima Hihina, prezientuje siabie jak «fiłosaf» i «palitołah».
Nahadajem, što ŭ piatnicu minčuk Siarhiej Palčeŭski pakłaŭsia pad koły hruzavika i prykavaŭ siabie kajdankami da bampiera, kab spynić budaŭničyja raboty ŭ Zialonym Łuzie kala Kurapat.
«Budu lažać, pakul nie zdochnu», — skazaŭ 30-hadovy Palčeŭski.
Jon kaža, što pajšoŭ na krajni krok, bo nie bačyć inšych šlachoŭ spynić budaŭnictva na placoŭcy, jakaja raniej uvachodziła ŭ achoŭnuju zonu miemaryjała.
Siarhiej Palčeŭski — minčuk, skončyŭ Biełaruski dziaržaŭny piedahahičny ŭniviersitet, a ciapier zarablaje ciaślarstvam. Raniej jon pracavaŭ majstram na zavodzie «Atłant».
U 2012 hodzie jon pryjšoŭ u Abjadnanuju hramadzianskuju partyju, a krychu bolš za hod tamu paznajomiŭsia sa Źmitrom Daškievičam i staŭ aktyvistam «Maładoha frontu».
Kali pryjechali MNSniki, to jon sam adšpiliŭ kajdanki, kab nie rezali. Milicyja sprabavała zatrymać chłopca, ale ludzi hramadoj adbili.
Voś videa «Našaj Nivy»:
Z zajavami ŭ padtrymku pratestoŭcaŭ u Kurapatach i za spynieńnie budoŭli vystupili mitrapalit Tadevuš Kandrusievič i palityki, u tym liku kiraŭnictva Libieralna-demakratyčnaj partyi.
Kamientary