2 červienia, u dzień zakryćcia vystavy «Koler Biełarusi» ŭ Harodni, budzie prezientavana kniha Michała Aniempadystava z adnajmiennaj nazvaj. Padzieja ładzicca Centram haradskoha žyćcia #uCentry i art-halerejaj «Kryha» ŭ partniorstvie ź Latučym univiersitetam i hramadskaj kulturnickaj kampanijaj «Budźma biełarusami!».
Dyzajnierski albom «Koler Biełarusi» staŭ vynikam šmathadovaj daśledčyckaj pracy Michała Aniempadystava. Šykoŭnaja vizualnaja častka knihi supravadžajecca aŭtarskimi tekstami, jakija raskryvajuć kulturałohiju asobnych koleraŭ — pachodžańnie nazvy, historyju raspaŭsiudžańnia na asobnych terytoryjach, simvaličnuju infarmacyju, tyja čyńniki, što ŭpłyvali na ŭstalavańnie peŭnych kałarystyčnych prefierencyj i stylaŭ da inš. Daśledujučy koler jak fienomien kultury, jak markier kulturnaj tradycyi, aŭtar pakazvaje historyju stylaŭ i zadaje peŭny rakurs dla razumieńnia ŭłasnaj identyčnaści.
«Štodnia my stvarajem nie tolki našu sučasnaść i nie tolki zakładvajem asnovu taho, jakim budzie našaje zaŭtra, ale adnačasova ŭjaŭlajem (i tym samym stvarajem nanova) ułasnuju minuŭščynu. Časam hetyja ŭjaŭleńni materyjalizujucca. Nie zaŭsiody jany adpaviadajuć histaryčnaj praŭdzie, a navat i łohicy našych histaryčnych stylaŭ. Čaściakom nam naviazvajuć mulažy i mify čužoj minuŭščyny. U svaju čarhu, kałarystyka — heta zručnaja opcyja dziela vyvučeńnia ŭłasnaj kulturnaj tradycyi i nacyjanalnaha stylu», — kaža aŭtar ŭ paślasłoŭi.
Prezientacyja knihi «Koler Biełarusi» adbudziecca 2 červienia, piatnica, a 18.30 u supolnaj vystavačnaj prastory Centru haradskoha žyćcia i art-halerei «Kryha» pa adrasie: Hrodna, vuł. Savieckaja, 3. Padčas prezientacyi pamiž udzielnikami budzie razyhrana niekalki asobnikaŭ!
Uvachod volny!
Kniha Michała Aniempadystava «Koler Biełarusi» vydadzienaja ŭ miežach Mižnarodnaha prajekta pa raźvićci kulturnaj spadčyny CHOICE.
Ciapier čytajuć
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam6
Kamientary