Trahiedyja zdaryłasia jašče ŭzimku ŭ Viciebsku. U žniŭni śledčyja skončyli rasśledavańnie spravy.
Pavodle danych śledstva, 30-hadovaja žančyna, staŭšy na ŭlik pa ciažarnaści ŭ žanočaj kansultacyi Viciebska, była abśledavanaja i atrymała adpaviednuju miedycynskuju dapamohu.
Adnak žančyna vyrašyła admovicca ad miedykamientoznych srodkaŭ i praviadzieńnia šerahu važnych daśledavańniaŭ. Paćviardžajučy heta, jana ŭłasnaručna zrabiła niekalki zapisaŭ u indyvidualnaj karcie ciažarnaj.
17 lutaha žančyna ŭ čarhovy raz admoviłasia ad špitalizacyi ŭ radzilny dom. Jaje papiaredzili, što kali dzicia zahinie ad uskładnieńniaŭ, to maci budzie pahražać adkaznaść. Adnak žančyna žadała naradzić dziciaci ŭ chatnich umovach, hruntujučysia na svaim papiarednim vopycie. Pry hetym, jana nie mieła nijakaj miedycynskaj adukacyi.
Uviečary 17 lutaha ŭ svajoj kvatery žančyna naradziła žyvuju žyćciazdolnuju dziaŭčynku.
Ale ž u lohkija dziciaci trapili kalapłodnyja vody. Reanimacyjnyja mierapryjemstvy, jakija pravodziła žančyna, tolki pahoršyli stan dziciaci. Ubačyŭšy biezvynikovaść svaich dziejańniaŭ, paradzicha paprasiła svaju maci vyklikać chutkuju miedycynskuju dapamohu. Dzicia advieźli ŭ reanimacyju, ale vyratavać nie zmahli. Dziaŭčynka pamierła.
U vyniku śledčyja pradjavili abvinavačvańnie žančynie ŭ pryčynieńni śmierci pa nieaściarožnaści. Paradzichu źmiaścili pad vartu. Ciapier joj pahražaje da 3 hadoŭ.
Spravu nakiravali ŭ sud.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam24
Kamientary