Taksisty «Jandeks Go» paprasili pavysić taryfy. U kampanii paabiacali padumać
Biełaruskija taksisty, jakija supracoŭničajuć z servisam «Jandeks Go», źviarnulisia ŭ kampaniju z prapanovaj pavysić bazavyja taryfy. Jany tłumačać heta rostam vydatkaŭ na ŭtrymańnie aŭtamabilaŭ, padatkaŭ, zboraŭ i ahulnym pavyšeńniem zarobkaŭ u krainie. Na ich dumku, dziejnyja rascenki ŭžo nie kampiensujuć realnyja vydatki, asabliva kali pajezdki vykonvajucca biez padvyšanych kaeficyjentaŭ, piša abw.by.
Kiroŭcy prapanavali pavialičyć bazavy taryf za kiłamietr i čas u darozie na 35%, zrabić daražejšym čakańnie, uvieści dadatkovuju nadbaŭku za načnyja pajezdki, a ŭ śviatočnyja dni — značna pavyšać košt. Taksama jany nastojvajuć na rehularnym, naprykład štokvartalnym, pierahladzie taryfaŭ z ulikam statystyki Biełstata.
U kancy śniežnia taksisty atrymali aficyjny adkaz ad pradstaŭnictva «Jandeks Go» ŭ Biełarusi.
Kampanija padziakavała za prapanovy i paviedamiła, što pry farmavańni taryfaŭ uličvaje intaresy i pieravozčykaŭ, i pasažyraŭ. Tam adznačyli, što zanadta vysokija ceny mohuć pryvieści da padzieńnia popytu i, jak vynik, da źnižeńnia dachodaŭ samich kiroŭcaŭ. U toj ža čas u kampanii paabiacali praanalizavać prapanovy i razhledzieć mahčymaść ich častkovaj abo poŭnaj realizacyi ŭ 2026 hodzie.
Pradstaŭniki asacyjacyi pieravozčykaŭ ličać važnym sam fakt dyjałohu i spadziajucca, što abiacańni nie zastanucca farmalnaściu.
Jany taksama źviartajuć uvahu na bolš hłybokuju prablemu — praźmiernyja paŭnamoctvy dyśpietčaraŭ, jakija mohuć upłyvać na taryfy i navat adchilać kiroŭcaŭ ad pracy, choć farmalna jany nie źjaŭlajucca ich pracadaŭcami.
Jak adznačajuć i kiroŭcy, i pasažyry, ciapierašniaja sistema z kaeficyjentami robić košt pajezdak niepradkazalnym. Časta byvajuć situacyi, kali pajezdka kaštuje nižej za sabiekošt, ale admovicca ad jaje kiroŭca nie moža biez sankcyj. U vyniku pasažyry sutykajucca z admovami, a kiroŭcy — ź niavyhadnaj pracaj.
Mnohija ŭdzielniki dyskusii sychodziacca ŭ mierkavańni, što aptymalnym byŭ by stabilny, zrazumieły taryf biez rezkich skačkoŭ cen. Pavyšeńnie bazavych rascenak, na dumku pieravozčykaŭ, mahło b vyrašyć prablemu tannych pajezdak i palepšyć jakaść servisu.
U toj ža čas častka kiroŭcaŭ ličyć, što adnaho pavyšeńnia taryfaŭ niedastatkova. Jany zaklikajuć da sistemnych źmien, prazrystych pravił raźliku koštu i strohaha vykanańnia zakanadaŭstva, kab i kiroŭcy, i pasažyry zahadzia razumieli, kolki budzie kaštavać pajezdka i čamu.
Kiroŭcy «Jandeks-taksi» ŭ Biełarusi abmiarkoŭvajuć ideju zabastoŭki 15 śniežnia
«Nie paviazu». Taksist u Minsku admoviŭsia vieźci dzicia
U Baranavičach vykryli falšyvyja kursy navučańnia taksistaŭ
Taksist vysadziŭ z mašyny dzicia, jakoje zatym zhubiłasia
Alaksiej Chlastoŭ, jaki pajšoŭ u taksisty, staŭ hierojem internetu. Biełarusy zapuścili fłešmob, kab padtrymać śpievaka z čornaha śpisu
Ciapier čytajuć
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy12
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1111
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?11
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama30
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2929
Kamientary