Kamandujučy Unutranymi vojskami Karajeŭ: Paśla SSSR, kali słužyć zastalisia adny biełarusy, ja dumaŭ, što dziedaŭščyna źniknie…
Namieśnik ministra ŭnutranych spravaŭ, kamandujučy ŭnutranymi vojskami Juryj Karajeŭ padzialiŭsia svaim dośviedami pieramohi nad dziedaŭščynaj. Heta adbyłosia padčas sustrečy z vypusknikami fakulteta Unutranych vojskaŭ Vajskovaj akademii ŭ chodzie vučebna-mietadyčnaha zboru.
Jak piša časopis «Śpiecnaz», Karajeŭ adznačyŭ vypadak u Piečach sa śmierciu šarahoŭca Alaksandra Koržyča, jaki pakazaŭ, što «hałoŭnaja niebiaśpieka ŭ śfiery parušeńnia statutnych praviłaŭ uzajemaadnosin u sučasnaj armii — handlova-hrašovyja adnosiny pamiž vajskoŭcami, a praściej kažučy, zvyčajnaje vymahalnictva: hrašovyja pieravody na bankaŭskuju kartku, «kupla» dabrotaŭ pa słužbie, karystańnie mabilnikam pa varjackim taryfie».
Karajeŭ adznačyŭ, što ŭ SSSR isnavała «machrovaja dziedaŭščyna», jakaja była zasnavanaja na nacyjanalnaj varažniečy. «Paśla raspadu SSSR ja dumaŭ, kali słužyć buduć adny biełarusy, to prablema z «dziedaŭščynaj» źniknie sama saboj. Ale pryjšło zasille siaržantaŭ. A praź niekalki hadoŭ viarnułasia i roźnica ŭ pryzyvach. Prosta ŭsie dziejničali pavodle pryncypu: ź mianie ździekavalisia — i ja budu».
Karajeŭ raskazaŭ, što, budučy kamandziram vajskovaj častki, za dva tydni ŭskryŭ usiu sistemu dziedaŭščyny ŭ joj. Za biasčynstvami stajaŭ namieśnik kamandzira adnaho z uzvodaŭ, staršy siaržant. Pa słovach namieśnika ministra, za parušeńniem statutnych adnosin najpierš idzie adsutnaść kamandzira ŭzvoda, abyjakavaść kamandzira roty, strach adkaznaści z boku kamandzira častki.
«Kali parušeńnie adbyłosia, to zadača kamandzira ŭzvoda — paviedamić ab hetym i pazbavić siabie hrachu prychoŭvańnia», — skazaŭ Karajeŭ.
Pa jahonym mierkavańni, luboje złačynstva, jakoje adbyvajecca ŭ padraździaleńni, — heta «ŭdar pa vojsku, siłavych viedamstvach, dziaržavie i prezidencie».
Taksama Juryj Karajeŭ nazvaŭ asnoŭnaje zło, ź jakim sutykajecca małady aficer: «1. Ałkahol: kolki, dzie i z kim. 2. Hrošy: pazyki, zakłady, hulni. 3. Načnoje baŭleńnie času: restarany, kłuby, dyskateki».
***
Na telehram-kanał «Našaj Nivy» možna padpisacca tut.
Pasadzili advakata Dźmitryja Łajeŭskaha, jaki abaraniaŭ Babaryku i Znaka10
Pasadzili advakata Dźmitryja Łajeŭskaha, jaki abaraniaŭ Babaryku i Znaka
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam51
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki4646
Kamientary