«Kab tam niešta ŭzarvali, kab ichnija hniłyja vantroby raźlacielisia»: prahramist kampanii Juno vykazaŭsia pra śviata la Opiernaha
Prahramist Andrej Kirylenka, rabotnik startapa Juno, pryciahnuŭ uvahu internet-karystalnikaŭ brydkim dopisam, pryśviečanym śviatkavańniu stahodździa BNR la Opiernaha.
«U RB znakavy dzień — aficyjalna ŭbohaje nacysckaje bydła ładzić šabaš pa śviatkavańni ŭbohaha vysiera pad nazvaj BNR. Pry hetym — pry poŭnaj padtrymcy ŭładaŭ. Ktułchu śviaty, zrabi tak, kab tam štości ŭzarvali, kab ich hniłyja vantroby na niekalki kiłamietraŭ raźlacielisia, a», — napisaŭ u svaim błohu prahramist.
«Naša Niva» patelefanavała Kirylenku, kab udakładnić, čyje mienavita vantroby jamu b chaciełasia bačyć raskidanymi: dziaciej, jakija pryjšli z baćkami na śviata ci, moža, chryścijanskaha duchavienstva?
U adkaz Kirylenka skazaŭ, što «nie choča bačyć nacyzmu ŭ Biełarusi».
«Vy ŭ kursie historyi bieł-čyrvona-biełaj simvoliki? Kim jana vykarystoŭvałasia? Ja raskažu: pieršy raz BNR, potym padčas Druhoj suśvietnaj vajny takimi arhanizacyjami, jak Sajuz biełaruskaj moładzi, Biełaruskaja krajovaja abarona.
Dalej heta simvolika vykarystoŭvałasia tymi ludźmi, jakija źniščyli maju radzimu — SSSR», — skazaŭ prahramist.
Ci ličyć jon nacystami, naprykład, Vasila Bykava ci Alesia Adamoviča?
«Ja nie viedaju, chto hetyja ludzi, — pryznaŭsia Andrej Kirylenka. — Chto? Piśmieńniki? Vy dumajecie, što ja nieadukavany, kali nie ŭmieju čytać pa-biełarusku i nie viedaju miestačkovych aŭtaraŭ?».
Jon taksama nie zdoleŭ dakładna skazać, ci bačyŭ na fota z akcyi ŭskinutyja ŭ nacysckim vitańni ruki ci nacysckija vokličy. Nie zdoleŭ taksama pravieści paraleli pamiž BNR i nacystami.
Čytajcie taksama: Marzaluk rezka adkazaŭ tym, chto sprabuje pravodzić paraleli pamiž BNR i nacystami
«Ja nie chaču nacyzmu ŭ Biełarusi», — jašče raz padsumavaŭ Kirylenka źmiest svajho dopisa. Cikava, što ŭłasnyja farmuloŭki jon nacysckimi nie ličyć.
«Naša Niva» taksama źviarnulisia da kiraŭnictva kampanii Juno, dzie pracuje prahramist. Juno — prajekt, jaki sprabuje kinuć vyklik suśvietna viadomamu servisu Uber.
Kiraŭnik minskaha adździaleńnia Alaksiej Minkievič zapeŭniŭ «Našu Nivu», što vyvučyć vykazvańni svajho supracoŭnika: maŭlaŭ, nie ŭ kursie situacyi, bo byŭ u kamandziroŭcy.
«Naš kamientar budzie paźniej», — skazaŭ jon.
***
Andrej Kirylenka pachodzić z Hrodna, ź siamji inžynieraŭ. Baćka naradziŭsia pad Homielem.
Ciapier čytajuć
U pačatku vajny kavezešnicu Marynu Hrycuk vyvozili z-pad Kijeva na tanku. Ciapier jana viadzie mierapryjemstvy ŭ Rasii6
Kamientary