Jon atrymaŭ premiju forumu, na jakim u svoj čas zładzili abstrukcyju A.Łukašenku.
Jon atrymaŭ premiju forumu, na jakim u svoj čas zładzili abstrukcyju A.Łukašenku.
Jak stała viadoma «Našaj Nivie», Fundacyja Suśvietnaha Forumu Kran-Mantana prysudziła Alaksandru Milinkieviču svaju štohadovuju premiju. Pra hetaje rašeńnie A.Milinkieviču paviedamiŭ staršynia fundacyi Žan-Pol Karteron.
Premija prysudžajecca za vialikija zasłuhi ŭ spravie baraćby za mir, svabodu i demakratyju. Jana ŭručajecca z 1989 hodu, i siarod jaje laŭreataŭ byli Anhieła Merkiel, Jasir Arafat, Zoran Džyndžyč, Viktar Čarnamyrdzin, Julija Cimašenka, Chuan-Antonijo Samaranč i jašče niekalki dziasiatkaŭ palityčnych i hramadzkich dziejačoŭ z samaj roznaj, treba pryznać, reputacyjaj.
Pikantnaść sytuacyi nadaje toj fakt, što Forum Kran-Mantana byŭ adzinym suśvietnym biznes-forumam, na jakim pabyvaŭ Alaksandar Łukašenka. Heta było ŭ 1998 hodzie. Pra ŭdzieł A.Łukašenki było damoŭlena padčas vizytu Ž.P.Karterona ŭ Miensk. Choć napiaredadni forumu raspačaŭsia skandał z vysialeńniem zachodnich dyplamataŭ z Drazdoŭ, pajezdka tym nia mienš adbyłasia. Tolki skončyłasia jana skandałam. Kali ŭ časie dyskusii adzin z francuskich udzielnikaŭ forumu nazvaŭ biełaruskaha prezydenta dyktatarom i pradkazaŭ, što jon skončyć svaje dni jak usie dyktatary, A.Łukašenka z słovami «Ot vaša chvalonaja zachodniaja demakratyja» sarvaŭ ź siabie słuchaŭki i pakinuŭ zalu pasiedžańniaŭ.
U toj čas na Zachadzie i ŭ Biełarusi hučali hałasy z asudžeńniem arhanizataraŭ Forumu, što zaprasili ŭ Kran-Mantana prezydenta krainy, jakoha ŭžo tady na Zachadzie nazyvali aŭtakratam.
Sioletniaja cyrymonija ŭručeńnia premijaŭ adbudziecca ŭ ramkach 17-j hadavoj sesii Forumu Kran-Mantana ŭ Manaka.
Jak paviedamiŭ «Našaj Nivie» pamočnik A.Milinkieviča Andrej Kusialčuk, pakul nieviadoma, ci lider Demakratyčnych siłaŭ zmoža prysutničać na cyrymonii ŭručeńnia premii asabista. Jahony hrafik na červień źbity vielmi ščylna.
Mikoła Buhaj
Ciapier čytajuć
Rasijskija i łukašenkaŭskija śpiecsłužby na fonie zalotu dronaŭ u Polšču praviali infaataku. Jaje zładžanaść daje padstavy dumać, što zalot byŭ spłanavany1616
Kamientary