Bolš za 150 čałaviek sabralisia ŭ centry Minska ź biełymi kryžami na malebien za Kurapaty FOTY
U Minsku, na płoščy Svabody, kala sabora Śviatoha Ducha, 7 krasavika prajšła malitva ŭ znak pratestu suprać znosu kryžoŭ u Kurapatach.
Akcyja była anansavana siońnia, 7 krasavika, u Dabravieščańnie — vialikaje pravasłaŭnaje śviata. Na malebien sabrałasia bolš za 150 čałaviek: pryjšli paet Uładzimir Niaklajeŭ, paplečnik Statkieviča Siarhiej Sparyš. Moładzi było niašmat, bolš ludziej starejšaha vieku.
Mikoła Statkievič pierad akcyjaj byŭ zatrymany.
Maryna Adamovič kaža, što muža na jaje vačach aryštavali. Try busiki dziažuryli la chaty. Jak tolki Statkievič z žonkaj vyjšli z doma, adrazu zaviali ŭ mikraaŭtobus.
Malitva pačałasia ŭ toj momant, kali ludzi vychodzili sa słužby ŭ sabory, ale z chrama išła aŭdyjatranślacyja malitvy ŭ chramie, i hramadski malebien na płoščy nie byŭ čuvać. Malitvu pračytaŭ a. Vikiencij ź Biełaruskaj aŭtakiefalnaj pravasłaŭnaj carkvy.
Maryna Adamovič zaklikała a 14-j hadzinie sabracca ŭ Kurapatach, ludzi pacichu razychodziacca.
Častka dajšła da Katedralnaha kaścioła, dzie pamalilisia taksama.
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary