Z času jahonaha vyzvaleńnia prajšło try z pałovaj miesiacy.
36‑hadovaha Cimura Pipiju šukaje HUUS horada Minska, artykuł Kryminalnaha kodeksa, jaki jamu inkryminujecca, nie paznačany.
Cimur Pipija — były palityčny źniavoleny, futbolny zaŭziatar kłuba «MTZ-RIPO». Jon naradziŭsia 16 studzienia 1990 hoda.
25 vieraśnia 2020 hoda Pipiju zatrymali ŭ Minsku ŭ rajonie vulicy Aeradromnaj, kali jon čakaŭ naparnika, kab razam pajechać na pracu. Kryminalnuju spravu suprać jaho zaviali ŭ suviazi z pratesnymi padziejami 10 žniŭnia i ŭdziełam u akcyi 23 vieraśnia 2020 hoda, paśla patajemnaj inaŭhuracyi Alaksandra Łukašenki.
Spačatku Cimur prachodziŭ padazravanym pavodle častki 1 artykuła 293 Kryminalnaha kodeksa ab masavych biesparadkach. Paźniej jamu vystavili abvinavačańni pavodle častki 1 artykuła 342, častki 2 artykuła 293 i artykuła 364 Kryminalnaha kodeksa, a taksama artykuła 419.
2 lipienia 2021 hoda sud pad staršynstvam Śviatłany Bandarenka pryznačyŭ jamu 6 hadoŭ, 3 miesiacy i 2 dni pazbaŭleńnia voli ŭ kałonii ŭzmocnienaha režymu. Cimur adbyvaŭ pakarańnie ŭ papraŭčaj kałonii № 15.
28 maja 2026 hoda Cimur Pipija vyjšaŭ na volu paśla adbyćcia pryznačanaha jamu pakarańnia.
U Cimura jość brat Tamaz, jaki taksama byŭ asudžany pa palityčnych artykułach, pryznany palityčnym źniavolenym i vyjšaŭ na volu 6 maja 2026 hoda paśla adbyćcia 6 z pałovaj hadoŭ pryznačanaha jamu pakarańnia.
Vyjšaŭ na svabodu palitźniavoleny fanat Cimur Pipija
Pamierła maci palitźniavolenych Cimura i Tamaza Pipija
«Ja ŭ kałonii byŭ bolš volny». Były palitviazień Tamaz Pipija raskazaŭ pra 6 hadoŭ za kratami i novuju paranaidalnuju biełaruskuju realnaść
«Hubazikaŭcy mnie ŭ vočy kazali, što zabili Kryŭcova». Fanat MTZ Pipija — pra bojki, katavańni i čałaviečnaść
Kamientary