Doktarka pajechała ŭ adpačynak na try tydni. Praź niekalki dzion ad jaje zapatrabavali viarnucca praz skarhu pacyjenta
I napisać tłumačalnuju.
Biełaruska-miedyk źjechała ź siamjoj u viosku bolš jak za 200 kiłamietraŭ ad domu i raźličvała pravieści tam uvieś 21‑dzionny adpačynak. Ale praz tydzień joj patelefanavali z pracy: na žančynu paskardziŭsia pacyjent, tamu ad jaje zapatrabavali na praciahu dvuch dzion pryjechać i napisać tłumačalnuju. Pra toje, ci zakonna heta, raspaviali ŭ prafsajuzie haziety «Homielskaja praŭda».
Skarha tyčyłasia situacyi, jakaja adbyłasia jašče da adpačynku. Pacyjent prasiŭ vydać jamu balničny, adnak miedyk admoviła: na jaje dumku, miedycynskich pakazańniaŭ dla hetaha nie było.
Kali žančyna ŭžo znachodziłasia ŭ adpačynku, joj patelefanavała supracoŭnica adździeła kadraŭ i zapatrabavała viarnucca. U vypadku admovy miedyka papiaredzili ab mahčymaj dyscyplinarnaj adkaznaści i składańni akta ab tym, što jana nie dała tłumačeńniaŭ.
Adnak pieraryvać adpačynak dziela pajezdki na pracu pavodle zakonu žančyna nie abaviazana.
Hałoŭny pravavy inśpiektar pracy Homielskaj abłasnoj arhanizacyi Biełaruskaha prafsajuza rabotnikaŭ achovy zdaroŭja Siarhiej Churbataŭ patłumačyŭ, što padčas adpačynku supracoŭnik vyzvaleny ad pracoŭnych abaviazkaŭ. Tamu tłumačalnuju možna napisać paśla viartańnia — u pieršy pracoŭny dzień.
Pry hetym sam adpačynak nie abaraniaje ad dyscyplinarnaha spahnańnia, kali parušeńnie było ździejśniena da jaho pačatku. Dni adpačynku nie ŭklučajucca ŭ miesiačny termin z dnia vyjaŭleńnia praviny, na praciahu jakoha najmalnik moža prymianić spahnańnie.
Ciapier čytajuć
Padpałkoŭnika z fakulteta vajskovaj raźviedki sudziać za «zdradu dziaržavie» pa spravie, jakaja vyhladaje palityčnaj. Što pra jaho viadoma?6
Kamientary
[Zredahavana]