Ministr unutranych spraŭ Ivan Kubrakoŭ zajaviŭ, što ŭ vypadku ŭviadzieńnia licenzavańnia dziejnaści pa ŭstanoŭcy i absłuhoŭvańni damofonaŭ Departamient achovy MUS zmoža ŭziać hetyja raboty na siabie, kali nie budzie licenzavanaha pastaŭščyka pasłuh.
Pa słovach Kubrakova, ideja ŭvieści takoje licenzavańnie atrymała padtrymku Łukašenki. Pastaŭlena zadača zrabić heta apieratyŭna. Ciapier u Biełarusi absłuhoŭvańniem damofonaŭ zajmajucca 82 jurydyčnyja asoby i 14 indyvidualnych pradprymalnikaŭ.
Ministr patłumačyŭ nieabchodnaść źmienaŭ tym, što jakaściu pasłuh, jakija akazvajuć kamiercyjnyja arhanizacyi, hramadzianie časta niezadavolenyja i sa svaimi pretenzijami źviartajucca nie da hetych kampanij, a da pradstaŭnikoŭ dziaržaŭnych kamunalnych słužbaŭ.
Pavodle jaho słoŭ, ź inicyjatyvy MUS u zakonaprajekt unosiacca normy, jakija prapanujuć ličyć damofonnyja sistemy častkaj techničnych sistem achovy. Praca z takimi sistemami ŭ takim vypadku budzie adnosicca da vidaŭ dziejnaści, jakija patrabujuć licenzii. Nieabchodnaść novaŭviadzieńniaŭ tłumačycca tym, što ŭ dziejnym zakanadaŭstvie adpaviednaha paniaćcia pakul niama, a jaho vyznačeńnie ŭ dziaržaŭnych standartach maje rekamiendacyjny charaktar.
Kubrakoŭ zapeŭniŭ, što kali licenzavanaj arhanizacyi, zdolnaj absłuhoŭvać damofony, nie znojdziecca, hetyja pasłuhi buduć akazvać padraździaleńni Departamienta achovy MUS. Pavodle ministra, ich mahčymaści dazvalajuć absłuhoŭvać uvieś žyły fond krainy.
Akramia taho, u MUS płanujuć stvaryć sistemu, jakaja dazvolić supracoŭnikam ekstrannych słužbaŭ i siłavych struktur apieratyŭna atrymlivać dostup u budynki. Jana taksama pavinna dazvalać apaviaščać ludziej u vypadku niebiaśpieki i dystancyjna razbłakoŭvać zamki damofonnych sistem.
Piłotny prajekt takoj sistemy kiravańnia dostupam užo zapuścili ŭ Centry manitorynhu Departamienta achovy MUS. Da jaje padklučyli 494 abjekty.
Ciapier čytajuć
Łukašenka: Što tvorycca ŭ krainie, u nas usie hetuju huś kruciać8
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2121
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna21
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha14
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5656
Kamientary