Viarnicie na hadzinu svoj 2007 hod. Pahladzicie vypusk Belsat Music Live z zorkami alternatyŭnaj muzyki, hurtom ##### (5diez) VIDEA
Hurt ##### (5diez) byŭ zasnavany ŭ 2001 hodzie ŭ Viciebsku. Praz dva hady muzyki pierabralisia ŭ Maskvu, kab skaryć muzyčny alimp. Možna ŭpeŭniena kazać, što ŭ viciebčukoŭ usio atrymałasia — bolš za piatnaccać hadoŭ jany zastajucca topavym hurtom na postsavieckaj mietał-scenie z šaściu paśpiachovymi albomami ŭ svajoj dyskahrafii. Ich upłyŭ na alternatyŭnuju ruskamoŭnuju muzyku, dla nieamataraŭ ciažkoha roku, možna paraŭnać z upłyvam «Lapisa Trubiackoha» abo Maksa Karža ŭ svaich stylach. I ŭvieś hety čas hurt padkreślivaje svajo pachodžańnie, časam ich navat nazyvajuć «dysidentami ź Biełarusi».
##### admysłova pryjechali dla zdymak prahramy Belsat Music Live i ŭ svaim žyvym secie syhrali svaje najbolš viadomyja chity, pieśni z novaha relizu, a taksama biełaruskamoŭnuju viersiju pieśni «Doždž», pierakład jakoj zrabiŭ Siarhiej Bałachonaŭ.
Akramia hetaha, u «dyjezaŭ» atrymałasia žyvaja razmova ź viadučaj prahramy Miraj Šulc — muzyki raspaviali pra svoj adjezd ź Biełarusi na pačatku nulavych i pra toje, što źmianiłasia na radzimie za hety čas, adreśpiektavali suajčyńnikam z hurtoŭ ŁSP i IOWA. Taksama hurt adkazaŭ na pytańni pra mahčymuju intehracyju z Rasijaj, situacyju va Ukrainie i imaviernaść kancertaŭ u Krymie, a vakalist Ženia Biełavusaŭ raspavioŭ pra toje, što jamu nahadali praz 11 hadoŭ stać prezidentam Biełarusi. Usio heta i šmat čaho jašče ŭ vypusku Belsat Music Live.
Belsat Music Live — heta aŭtarski prajekt Siarhieja Budkina. Štotydzień na telekanale «Biełsat» ajčynnyja i zamiežnyja muzyki hrajuć užyvuju ŭ studyi, a taksama razmaŭlajuć ź viadučymi pra svaju tvorčaść.
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1515
Kamientary