Były vysokapastaŭleny francuzski raźviedčyk i mason pačaŭ pracavać na Russia Today
Alen Žuje (Alain Juillet) pačnie vieści 13-chvilinnuju prahramu pra hieapalityku na tielekanale RT France, jaki naležyć da rasijskaj prapahandysckaj miedyjahrupy.
24 lutaha kiraŭnica RT France Ksienija Fiodarava paśpiašałasia pachvalicca, što na Maskvu pačaŭ pracavać były kiraŭnik Słužby zamiežnaj raźviedki Francyi (DGSE). Pierabolšańnie: Žuje zajmaŭ trochi nižejšyja pazicyi. Siarod inšaha, jon byŭ kiraŭnikom upraŭleńnia raźviedki ad 2002 da 2003 hoda, a paśla doŭhi čas, da 2009 hoda, byŭ adkaznym za pytańni ekanamičnaj raźviedki pry premjer-ministry Francyi.
Tym nie mienš, 77-hadovy Žuje — heta davoli značnaja postać u vyviedčaj supolnaści Francyi, jakaja ahułam achoplivaje dziasiatki tysiač ludziej.
Žuje pracavaŭ na śpiecsłužby i adnačasova rabiŭ karjeru ŭ samych roznych pradpryjemstvach Francyi ad Ricard da Marks & Spencer.
Žuje — postać kałarytnaja. Jon, siarod inšaha, mason i sprabavaŭ uznačalić Vialikuju francuzskuju nacyjanalnuju łožu, ale braty jaho prakinuli. Rasijanie źviarnuli na Žuje ŭvahu, paśla taho jak jon nazvaŭ atručvańnie Skrypaloŭ «anhłasaksonskaj manipulacyjaj».
Maskva vydzialaje vializnyja srodki na dziejnaść resursaŭ typu Sputnik i Russia Today u roznych krainach śvietu.
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary