Čeračań, u dekłaracyi jakoha pierabłytalisia dadzienyja: CVK časta pamylajecca
Na sajcie Centrvybarkama apublikavanyja dekłaracyi kandydataŭ u prezidenty (PDF).
«Naša Niva» źviarnuła ŭvahu na dziŭny momant: u dakumiencie napisana, što Siarhiej Čeračań vałodaje pa 50% u statutnym fondzie ŭ troch kampanijach. Heta «Internešnł Technoładžy Edvajziers», «S58 Technoładžyz», «Infarmacyjny Śpiektr».
Ale kali pahladzieć u dziaržaŭny rehistr jurydyčnych asobaŭ, to vyśvietlicca, što ŭ «Infarmacyjnym śpiektry» u Čeračnia, nie 50%, a ŭsie 100% statutnaha fonda.
Jak u dekłaracyju trapiła pamyłka i čamu CVK jaje nie zaŭvažyŭ? «Naša Niva» adrasavała heta pytańnie kandydatu.
«Kali ja padavaŭ dekłaracyju, u mianie pamyłak nie było. Ja padavaŭ dźvie kampanii pa 50%, a «Infarmacyjny śpiektr» — 100%. Heta pytańnie da CVK. Jany tam apošnim časam vielmi časta pamylajucca», — adkazaŭ Čeračań.
Čytajcie taksama. Na Čeračnia cisnuć, kab jon pryznaŭ 143 tysiačy podpisaŭ, jakija jamu «naličyła» CVK
Ciapier čytajuć
Biełaruska raspačała čelendž «40 spatkańniaŭ», ale ŭžo na siaredzinie nie chavaje rasčaravańnia ŭ mužčynach25
Kamientary