Navučeniec Minskaha politechničnaha kaledža skončyŭ žyćcio samahubstvam. Na momant trahiedyi jon prachodziŭ praktyku na MZKC
Illi Savonu było 18 hadoŭ.
Illa Savon naradziŭsia ŭ 2008 hodzie. Chłopiec vychoŭvaŭsia ŭ šmatdzietnaj staličnaj siamji razam z małodšymi 12‑hadovym bratam i 9‑hadovaj siastroj.
Skončyŭ himnaziju ŭ Malinaŭcy, a z 2023 hoda navučaŭsia na płatnym adździaleńni Minskaha politechničnaha kaledža pa śpiecyjalnaści «technałahičnaje zabieśpiačeńnie mašynabudaŭničaj vytvorčaści».
U navučalnaj ustanovie pra junaka adhukajucca vielmi ciopła. Nijakich prablem z dyscyplinaj, ałkaholem ci zakonam jon nie mieŭ, siaredni bał vysoki — 8,2. Vykładčyki i znajomyja apisvajuć jaho jak spakojnaha, dobraha, adkaznaha i taktyčnaha chłopca, jaki dobra adčuvaŭ sacyjalnuju dystancyju i zaŭždy byŭ hatovy dapamahčy.
Viadoma, što na momant trahiedyi navučeniec prachodziŭ technałahičnuju praktyku na Minskim zavodzie kołavych ciahačoŭ (MZKC).
Abstaviny zdareńnia pakul da kanca nie jasnyja. Pavodle papiaredniaj infarmacyi, u dzień trahiedyi Ilja pryjšoŭ u svaju kvateru na vulicy Jasienina i pahutaryŭ z małodšymi bratam i siastroj.
Paśla hetaha jon vyjšaŭ z domu i skončyŭ žyćcio samahubstvam. Što mienavita padšturchnuła 18‑hadovaha chłopca da takoha ŭčynku, zastajecca nieviadomym.
Kali vy ŭ Biełarusi i adčuvajecie siabie psichałahična drenna, pamiatajcie, što ŭ krainie kruhłasutkava pracuje respublikanskaja telefonnaja «haračaja linija» pa akazańni psichałahičnaj dapamohi. «Telefon davieru» dla darosłych: 8 (017) 352-44-44, 8 (017) 304-43-70.
«Telefon davieru» dla dziaciej i padletkaŭ: 8 (017) 263-03-03.
U emihracyi raim źviartacca ŭ profilnyja arhanizacyi pa miescy žycharstva. Adzin z varyjantaŭ — słužba «Adno akno».
«Naša Niva» — bastyjon biełaruščyny
PADTRYMAĆCiapier čytajuć
U rasijskaj armii biełaruskaha najomnika paviesili na drevie ŭniz hałavoj i bili pałkaj pa hienitalijach22
Kamientary