Dva miesiacy tamu była paranienaja Natalla Łubnieŭskaja. Kryminalnaj spravy niama, pravodzicca biaskoncaja «pravierka»
Uviečary 10 žniŭnia na vulicy Kalvaryjskaj u Minsku była paranienaja žurnalistka «Našaj Nivy» Natalla Łubnieŭskaja. Bajec śpiecpadraździaleńnia «Alfa» ci «Ałmaz» naŭmysna streliŭ u jaje humavaj kulaj z adlehłaści kala 10 mietraŭ.
Prajšło dva miesiacy — i Śledčy kamitet usio jašče nie zavioŭ kryminalnuju spravu. «Pravodzicca pravierka», — adkazvajuć «Našaj Nivie» ŭ pres-słužbie SK.
Natalla praviała paŭtara miesiaca ŭ balnicy, ciapier znachodzicca na ambułatornym lačeńni i nie moža viarnucca da paŭnavartasnaj pracy — a imitacyja «pravierki» ŭsio jašče praciahvajecca.
Jašče miesiac tamu śledčyja chvalilisia, što nibyta ŭziali patrebnyja zapisy z kamier videanazirańnia, što nibyta apytvajuć śviedkaŭ — ale nichto navat nie prasiŭ kantakty žurnalistaŭ, jakija znachodzilisia pobač z Natallaj u momant strełu.
Śledčy kamitet demanstruje poŭnuju adsutnaść palityčnaj voli dla pošuku złačyncy. Bajec, jaki stralaje pa mirnych hramadzianach, musić panieści adkaznaść u adpaviednaści z zakanadaŭstvam:
- Pieravyšeńnie ŭłady ci słužbovych paŭnamoctvaŭ, spałučanaje z užyvańniem zbroi, karajecca źniavoleńniem na termin da 10 hadoŭ.
- Naŭmysnaje naniasieńnie mienš ciažkaha cialesnaha paškodžańnia (jakoje nie ŭjaŭlaje niebiaśpieku dla žyćcia, ale vyklikała praciahłaje rasstrojstva zdaroŭja na termin da čatyroch miesiacaŭ), ździejśnienaje ahulnaniebiaśpiečnym sposabam karajecca źniavoleńniem na termin da 5 hadoŭ.
- Pieraškoda zakonnaj prafiesijnaj dziejnaści žurnalista karajecca źniavoleńniem na termin da 3 hadoŭ.
Uvaha! U kancy videa demanstrujecca adkrytaja rana.
Kamientary