Tramp: U nas jość płan, Zialenskamu ŭ peŭny momant daviadziecca niešta pryniać
Prezident ZŠA z nahody sustrečy ŭ Avalnym kabiniecie z abranym meram Ńju-Jorka Zochranam Mamdani adkazaŭ na pytańni žurnalistaŭ.
Niekalki pytańniaŭ datyčylisia amierykanskaha płana z 28 punktaŭ, zaklikanaha spynić vajnu va Ukrainie, ale canoj vialikich sastupak na karyść Rasi, piša Bi-bi-si.
«U nas jość płan», — paćvierdziŭ Tramp. «My dumajem, što ŭ nas jość sposab dasiahnuć miru. Jamu [prezidentu Ukrainy Uładzimiru Zialenskamu] daviadziecca jaho ŭchvalić», — dadaŭ jon.
Adkazvajučy na inšaje pytańnie pra vybar, jaki staić pierad Zialenskim, Tramp skazaŭ: «Heta pavinna jamu spadabacca, a kali nie spadabajecca, to viedajecie, niachaj jany praciahvajuć vajavać. U peŭny momant jamu daviadziecca niešta pryniać».
Hrupa amierykanskich hienierałaŭ, vierahodna, vylecić u Maskvu ŭ kancy nastupnaha tydnia, kab abmierkavać raspracavany Vašynhtonam «mirny płan» z Kramlom, piša brytanskaja Guardian sa spasyłkaj na krynicy ŭ ZŠA.
Tym časam u subotu lidary «Vialikaj siamiorki» i inšyja krainy «Vialikaj dvaccatki» abmiarkujuć raspracavany ZŠA płan na palach dvuchdzionnaha samitu G20 u Jochanesburhu, piša Guardian.
Kiraŭnik dypłamatyi Jeŭrasajuza Kaja Kałas papiaredziła, što mirnaje pahadnieńnie, jakoje zaachvočvaje ŭvarvańnie, stvoryć «vielmi niebiaśpiečny» hłabalny precedent.
«Kali vy prosta paddaściesia ahresii, vy spravakujecie novuju ahresiju», — skazała jana, dadaŭšy, što ŭ inšych krain pa prykładzie Rasii moža ŭźniknuć «apietyt» da susiednich terytoryj.
28 punktaŭ «mirnaha płana» ZŠA — poŭny śpis
ZŠA patrabujuć ad Ukrainy pahadzicca na mirny płan Uitkafa-Dźmitryjeva da 27 listapada
Tramp upeŭnieny, što Ukraina chutka stracić Danbas. Ale inšym tryvožycca niama čaho
«Albo strata hodnaści, albo ryzyka straty klučavoha partniora». Zialenski vystupiŭ z dramatyčnym zvarotam da ŭkrainskaha naroda
Kamientary