Kryvašejeŭ: Šeść dziaržaŭnych žurnalistaŭ atrymali infarkty i insulty ad ckavańnia
Pra heta zajaviŭ staršynia Biełaruskaha sajuza žurnalistaŭ Andrej Kryvašejeŭ siońnia na ekśpiertna-miedyjnym forumie «Infarmacyjnaja biaśpieka Sajuznaj dziaržavy: sučasnyja vykliki i novyja technałohii», piša BiełTA.
«Jašče adzin vyklik, ź jakim sutyknułasia naša miedyjasupolnaść, — heta bulinh, ckavańnie i ataki na našych žurnalistaŭ, — skazaŭ Kryvašejeŭ. — Na druhoj dadatkovaj naradzie ABSIE my pryvodzili hetyja źviestki, my nakiravali dakład u śpiecyjalnyja struktury ABSIE i śpiecyjalnym pradstaŭniku pa svabodzie słova. Na žal, hetyja pavažanyja spadary nie znajšli času i mahčymaści na jaho adreahavać».
Pavodle jaho źviestak, za apošni čas atrymali ŭ svoj adras pahrozy bolš za 400 supracoŭnikaŭ dziaržaŭnych ŚMI Biełarusi, a taksama ich dzieci, siemji, blizkija.
«Byli ździejśnienyja fizičnyja ataki, hvałt u dačynieńni da našych žurnalistaŭ, heta značyć ich źbivali pry vykanańni imi słužbovych abaviazkaŭ, atakavali ich damy, ich asabisty transpart. Šeść našych kaleh atrymali surjoznyja prablemy sa zdaroŭjem: infarkty i insulty — z pryčyny hetaha ckavańnia», — skazaŭ Andrej Kryvašejeŭ.
Ciapier čytajuć
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli1
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać1919
Kamientary