Alaksandr Łukašenka ŭručyŭ siońnia dziaržaŭnyja ŭznaharody supracoŭnikam milicyi i vajskoŭcam. Cyrymonija adbyłasia ŭ čas naviedvańnia im AMAPu, piša BiełTA.
«U apošnija dni hetaha hoda popyt na prezidenta, jak ja kažu, vielizarny. Ale pry ŭsich vydatkach času ja nie moh nie pryjechać da vas, — zajaviŭ Alaksandr Łukašenka na cyrymonii.— Siońnia ŭ strai ja baču sapraŭdnych patryjotaŭ našaj Radzimy, ludziej abaviazku, honaru i sumleńnia».
Jon padziakavaŭ za mužnaść i stojkaść, viernaść prysiazie i svajmu narodu. «Heta nie prosta słovy. Dla kožnaha z vas heta nadziejny aryjencir, jaki vyznačaje spravy i ŭčynki», - padkreśliŭ Łukašenka.
Uznaharody atrymali pradstaŭniki MUS, Minabarony, KDB, Dziaržaŭnaha pahraničnaha kamiteta, Słužby biaśpieki.
U liku ŭznaharodžanych — namieśnik ministra ŭnutranych spraŭ — načalnik kryminalnaj milicyi Hienadź Kazakievič, namieśnik ministra ŭnutranych spraŭ — kamandujučy ŭnutranymi vojskami Mikałaj Karpiankoŭ, kamandzir śpiecyjalnaha atrada chutkaha reahavańnia ŭnutranych vojskaŭ MUS Alaksandr Bykaŭ, kamandzir AMAPu HUUS Minharvykankama Dźmitryj Bałaba, kamandzir AMAPu UUS Hrodzienskaha abłvykankama Viktar Kraŭcevič, kamandzir AMAPu UUS Bresckaha abłvykankama Maksim Michovič.
Uznaharod taksama ŭdastojenyja kamandzir 103-j asobnaj hvardziejskaj pavietrana-desantnaj bryhady Alaksiej Jałfimaŭ, kamandzir 38-j asobnaj hvardziejskaj pavietrana-desantnaj bryhady Alaksandr Iljukievič, kamandzir 5-j asobnaj bryhady śpiecyjalnaha pryznačeńnia Dźmitryj Kučuk, načalnik asobnaj słužby aktyŭnych mierapryjemstvaŭ pamiežnaj słužby Ihar Kručkoŭ.
U adkaz na heta kamandzir staličnaha AMAPa Dźmitryj Bałaba ŭručyŭ Alaksandru Łukašenku čorny bieret (dla AMAPa maje takoje ž značeńnie, jak i krapavy - dla vajskoŭcaŭ unutranych vojskaŭ) «za asablivyja zasłuhi».
«Vy byli z nami ŭ bajavych paradkach, i zaraz vy paŭnavartasny bajec AMAPa», - skazaŭ Bałaba.
Ciapier čytajuć
Biełaruska raspačała čelendž «40 spatkańniaŭ», ale ŭžo na siaredzinie nie chavaje rasčaravańnia ŭ mužčynach52
Kamientary