Tut.by kančatkova pazbaŭlajecca statusu ŚMI. Ekanamičny sud Minska adchiliŭ skarhu
Ekanamičny sud Minska adchiliŭ skarhu TAA «Tutbaj miedyja» na rašeńnie pazbavić Tut.by statusu ŚMI. Z 19 studzienia jano aficyjna ŭstupaje ŭ siłu.
19 studzienia Ekanamičny sud Minska razhledzieŭ apielacyju TAA «Tutbaja Miedyja», jakoje było nie zhodna z rašeńniem pazbavić Tut.by statusu ŚMI. Sud razhledzieŭ skarhu, ale nie znajšoŭ padstaŭ dla admieny pastanovy. Z 19 studzienia 2021 hoda jano aficyjna ŭstupaje ŭ siłu. Tut.by pazbaŭlajecca statusu ŚMI, paviedamlaje vydańnie.
Z 7 žniŭnia 2020 hoda Tut.by atrymaŭ čatyry papiaredžańni pa materyjałach «U siem razoŭ bolš vybarščykaŭ i «tajemnyja» pratakoły. Jakija parušeńni ŭbačyli naziralniki i što skazaŭ CVK?», «Kamitet dziaržkantrolu zmoža vypłacić bujnyja premii rabotnikam, jakija prajaviać siabie ŭ rezanansnych spravach», «Da redaktara Tut.by pryjšli siłaviki. Na jaje dačku zaviali kryminalnuju spravu ab masavych biesparadkach» i «Biełaruskaja mytnia paprasiła paćvierdzić, što ŭ «Hary Potery» niama zaklikaŭ da źviaržeńnia ŭłady». Paśla abskardžańnia Tut.by u Viarchoŭnym sudzie vyniesienych papiaredžańniaŭ adno ź ich było pryznana niesapraŭdnym.
Pazbaŭleńnie vydańnia statusu ŚMI mahčyma paśla dvuch i bolš piśmovych papiaredžańniaŭ na praciahu adnaho hoda.
18 vieraśnia Ministerstva infarmacyi źviarnułasia ŭ sud z pazovam ab spynieńni vypusku sietkavaha vydańnia Tut.by. Z 1 kastryčnika zahadam ministra infarmacyi Ihara Łuckaha dziejańnie hetaha statusu dla Tut.by prypyniena da 30 śniežnia 2020 hoda.
3 śniežnia Ekanamičny sud Minska pryniaŭ rašeńnie pazbavić Tut.by statusu ŚMI. Paśla adchileńnia skarhi jano aficyjna ŭstupiła ŭ siłu z 19 studzienia.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Chto zabaraniaje ŭ Biełarusi knihi — voś hetyja 22 čałavieki33
Kamientary