Marsachod Perseverance udała sieŭ na Čyrvonuju płanietu i pačynaje pošuk śladoŭ žyćcia
Pasadka marsachoda Perseverance («Nastojlivaść») na Čyrvonaj płaniecie prajšła ŭ zadadzienym rajonie. Pra heta paviedamiŭ u čaćvier pradstaŭnik Nacyjanalnaha ŭpraŭleńnia ZŠA pa aeranaŭtycy i daśledavańni kaśmičnaj prastory (NASA), piša TASS.
Pavodle jaho słoŭ, aparat kranuŭsia pavierchni Marsa prykładna za 1,7 km na paŭdniovy ŭschod ad centra zadadzienaha rajona pasadki ŭ kratary Jeziera. Aŭtamatyzavanaja sistema pošuku miesca pasadki vyznačyła ŭdałaje i adnosna roŭnaje miesca.
Hrupy navukoŭcaŭ užo analizujuć dasłanyja zdymki. Ustalavanyja na marsachodzie navukovyja instrumienty buduć aktyvavanyja ŭ bližejšyja niekalki tydniaŭ.
U pieršyja niekalki ziamnych sutak hałoŭnaj zadačaj źjaŭlajecca naładka prahramnaha zabieśpiačeńnia i abstalavańnia płanietachoda, u tym liku sistem dla pieradačy źviestak na ziamlu. Akramia taho, buduć zroblenyja panaramnyja zdymki, kab udakładnić charaktarystyki miascovaści. Paźniej, jak čakajecca, marsachod zrobić niekalki karotkich pajezdak — prykładna na 5 m i nazad.
Na praciahu troch tydniaŭ śpiecyjalisty NASA majuć namier vybrać miesca dla praviadzieńnia vyprabavańniaŭ zamacavanaha na marsachodzie viertalota Ingenuity («Vynachodlivaść»). Ź jaho dapamohaj, u pryvatnaści, płanujecca rabić fatahrafii. Čakajecca, što Ingenuity zrobić pieršy palot viasnoj.
Kali ŭsie pravierki buduć zavieršany, marsachod raspačnie pošuk śladoŭ žyćcia ŭ minułym na Čyrvonaj płaniecie. Perseverance pavinien ažyćciavić zbor uzoraŭ hruntu, u pryvatnaści, u miescach, dzie kaliści było voziera.
Ślady isnavańnia žyćcia na Marsie mohuć być vyjaŭlenyja ŭ vyhladzie stramatalitaŭ — vykapniaŭ najpraściejšych arhanizmaŭ. Perseverance pavinien źmiaścić uzory parody i hruntu prykładna ŭ 40 śpiecyjalnych kantejnieraŭ. Płanujecca, što bolšuju ich častku ŭ 2026 hodzie zabiare inšy marsachod. Čakajecca, što kantejniery buduć pahružanyja na śpiecyjalny puskavy aparat, jaki vyviedzie ich na arbitu Marsa. Dalej ŭzory padbiare inšy aparat, jaki pavinien dastavić ich na ziamlu. U NASA raźličvajuć, što heta adbudziecca ŭ 2030-ja.
Ciapier čytajuć
Padpałkoŭnika z fakulteta vajskovaj raźviedki sudziać za «zdradu dziaržavie» pa spravie, jakaja vyhladaje palityčnaj. Što pra jaho viadoma?6
Kamientary