U Vaŭkavysku na kursy «Mova Nanova» pryjšła milicyja. Kala 30 čałaviek dastavili ŭ RAUS
Pra heta Tut.by raspavioŭ pravasłaŭny śviatar Alaksandr Bohdan, jakoha taksama dastavili ŭ adździaleńnie milicyi.
Alaksandr Bohdan raspavioŭ, što zaniatki pa biełaruskaj movie tolki pačalisia, kali ŭ pamiaškańnie na vulicy Žołudzieva pryjšli supracoŭniki milicyi.
— My prapanavali supracoŭnikam paprysutničać na zaniatkach. Tłumačyli, što heta moŭnyja kursy i niama nijakaj palityki, ale ŭ vyniku praktyčna ŭsich pasadzili ŭ aŭtobus i advieźli ŭ milicyju, — kaža Alaksandr Bohdan.
Pavodle infarmacyi śviatara, u milicyju było dastaŭlena kala 30 čałaviek, adnaho niepaŭnaletniaha chłopca adpuścili.
Na zaniatkach «Mova nanova» ŭ Vaŭkavysku pavinien byŭ vystupać lidar rok-hurta «Krama» Ihar Varaškievič. Miascovyja žychary paviedamili, što jaho taksama zabrali, ale paśla pastupiła infarmacyja, što jon u biaśpiecy.
Sa śviatarom Alaksandram Bohdanam praviali hutarku i adpuścili.
Jon raspaviadaje, što milicyjanty tłumačyli: atrymali ananimny sihnał i tamu pryjechali na miesca praviadzieńnia kursaŭ.
Ciapier i astatnich dastaŭlenych u RUUS pačynajuć adpuskać pa adnym, papiarednie dajuć padpisać apaviaščeńnie pra administratyŭnuju adkaznaść za parušeńnie paradku arhanizacyi abo praviadzieńnia masavych mierapryjemstvaŭ.
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2323
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki23
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary