Sardečna-sasudzistyja zachvorvańni źjaŭlajucca samaj častaj pryčynaj śmierci ŭ śviecie.
Kab dapamahčy ludziam, jakija čakajuć pierasadki, francuzskaja kampanija Carmat raspracavała štučnaje serca — pryładu, jakaja zamianiaje pracu serca, pakul nie źjavicca donar.
Pryłada pa formie nahadvaje čałaviečaje serca i važyć prykładna čatyry kiłahramy. Štučnaje serca maje dva akumulatary, jakija zabiaśpiečvajuć pracu pryłady na praciahu čatyroch hadzin. Zatym jaje nieabchodna zaradzić ad elektrasietki z dapamohaj źniešniaha abstalavańnia.
Štučnaje serca impłantujuć u arhanizm čałavieka. Datčyki na pryładzie vyznačajuć kryviany cisk, a ałharytm kantraluje kryvatok u režymie realnaha času. Kali čałaviek ruchajecca, kryvatok pavialičvajecca, a ŭ stanie spakoju zapavolvajecca. U vyniku pryłada zamianiaje čałaviečaje serca, paviedamlaje CNN.
Ciapier navukoŭcy vypraboŭvajuć štučnaje serca na dzieviatnaccaci pacyjentach.
U śniežni 2020 hoda kampanija atrymała dazvoł pradavać štučnaje serca ŭ ES. Pradstaŭniki Carmat płanujuć pačać prodaž da kanca hetaha hoda. Adno štučnaje serca budzie kaštavać prykładna €160 tysiač.
U raspracoŭcy znachodziacca pryłady i ad inšych kampanij. Adzinaje štučnaje serca, jakoje siońnia jość na rynku, stvaryła kampanija SynCardia z Aryzony. Adnak pryłada maje fiksavanuju častatu serca, jakaja nie prystasoŭvajecca da fizičnaj aktyŭnaści chvoraha.
Inšaja francuzskaja kampanija CorWave raspracoŭvaje pryładu dla ludziej ź mienš surjoznymi sardečnymi zachvorvańniami. Jana nie zamianiaje ŭsio serca, a dapamahaje pampavać kroŭ adnoj z čatyroch kamier.
Francuzskija kampanii pieršy čas buduć pradavać svaje pryłady jak časovuju zamienu dla pacyjentaŭ, što čakajuć donara. Adnak doŭhaterminovaja meta abiedźviuch kampanij stvaryć pryłady, jakija možna było b vykarystoŭvać pastajanna.
-
Jak surjoznaje daśledavańnie mozhu muški pieratvaryłasia ŭ internet-miem — madel jaje mozhu navučyli hulać u Doom i handlavać kryptavalutaj
-
Tyranazaŭru «pamierali tempieraturu» praz 66 miljonaŭ hadoŭ. Voś što vyśvietliłasia
-
«Hulajcie ŭ videahulni abo budziecie tupymi!» Što za daśledavańnie pracy mozhu tak uschvalavała Iłana Maska
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary