Сардэчна-сасудзістыя захворванні з’яўляюцца самай частай прычынай смерці ў свеце.
Каб дапамагчы людзям, якія чакаюць перасадкі, французская кампанія Carmat распрацавала штучнае сэрца — прыладу, якая замяняе працу сэрца, пакуль не з’явіцца донар.
Прылада па форме нагадвае чалавечае сэрца і важыць прыкладна чатыры кілаграмы. Штучнае сэрца мае два акумулятары, якія забяспечваюць працу прылады на працягу чатырох гадзін. Затым яе неабходна зарадзіць ад электрасеткі з дапамогай знешняга абсталявання.
Штучнае сэрца імплантуюць у арганізм чалавека. Датчыкі на прыладзе вызначаюць крывяны ціск, а алгарытм кантралюе крываток у рэжыме рэальнага часу. Калі чалавек рухаецца, крываток павялічваецца, а ў стане спакою запавольваецца. У выніку прылада замяняе чалавечае сэрца, паведамляе CNN.
Цяпер навукоўцы выпрабоўваюць штучнае сэрца на дзевятнаццаці пацыентах.
У снежні 2020 года кампанія атрымала дазвол прадаваць штучнае сэрца ў ЕС. Прадстаўнікі Carmat плануюць пачаць продаж да канца гэтага года. Адно штучнае сэрца будзе каштаваць прыкладна €160 тысяч.
У распрацоўцы знаходзяцца прылады і ад іншых кампаній. Адзінае штучнае сэрца, якое сёння ёсць на рынку, стварыла кампанія SynCardia з Арызоны. Аднак прылада мае фіксаваную частату сэрца, якая не прыстасоўваецца да фізічнай актыўнасці хворага.
Іншая французская кампанія CorWave распрацоўвае прыладу для людзей з менш сур’ёзнымі сардэчнымі захворваннямі. Яна не замяняе ўсё сэрца, а дапамагае пампаваць кроў адной з чатырох камер.
Французскія кампаніі першы час будуць прадаваць свае прылады як часовую замену для пацыентаў, што чакаюць донара. Аднак доўгатэрміновая мэта абедзвюх кампаній стварыць прылады, якія можна было б выкарыстоўваць пастаянна.
-
Штучны інтэлект рашыў задачу Наўе—Стокса, якую людзі не маглі разгадаць 90 гадоў. Гісторыя, аднак, абярнулася скандалам
-
Інжынер з Anthropic звольніўся, каб папярэдзіць, што ШІ вось-вось можа выйсці з-пад кантролю
-
ШІ-генерацыю ў відэагульнях крытыкавалі, а цяпер захапляюцца. Злітая тэхналогія ад NVIDIA ператварае старыя гульні ў сапраўдны кінематограф
Цяпер чытаюць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5555
Каментары