U svaim apošnim słovie na sudovym pasiadžeńni muzyka paprasiŭ prabačeńnia ŭ blizkich i prychilnikaŭ.
Fota Nadziei Bužan
Jon adznačyŭ, što jaho rodnyja pieražyvali i nie razumieli, što adbyvajecca, piša Tut.by. Jon raspavioŭ, što jaho staŭleńnie da zdaroŭja źmianiłasia — jon zajmajecca sportam, amal nie ŭžyvaje ałkahol i šmat čytaje.
Abvinavačany skazaŭ, što pastajanna dumaje pra svaju dačku i choča maksimalna pakazać joj baćkoŭskuju luboŭ.
Sud prysudziŭ muzyku Cimu Biełaruskich da dvuch hadoŭ chatniaj chimii. Druhomu abvinavačanamu Antonu Kryvieckamu taksama dali dva hady chatniaj chimii.
Chatniaja chimija praduhledžvaje abmiežavańnie voli biez nakiravańnia ŭ vypraŭlenčuju ŭstanovu. Asudžanaha staviać na ŭlik u kryminalna-vykanaŭčaj inśpiekcyi, jamu zabaroniena ŭžyvać navat słabaałkaholnyja napoi. Na praciahu ŭsiaho terminu jaho naviedvaje milicyja, paśla 19.00 jon abaviazany znachodzicca doma. Možna chadzić na pracu abo vučobu, ale maršrut stroha abmiežavany. Karotkaterminovy vyjezd u inšy nasieleny punkt mahčymy tolki z dazvołu kryminalna-vykanaŭčaj inśpiekcyi.
***
Milicyja zatrymała Cimu Biełaruskich 6 studzienia ŭ hulniavym kłubie ŭ Minsku. Pry asabistym vobšuku ŭ jakoha byŭ vyjaŭleny hašyš (kala 0,0375 hrama) i amfietamin (1,96 h).
Paviedamlałasia, što narkotyki śpiavak i jaho pryjaciel kupili praź internet. Častku ŭžyli ŭ pamiaškańni hulniavoha kłuba, reštki vyjavili rabotniki milicyi. Padčas asabistaha pieratrusu Cimy byŭ znojdzieny taksama psichatrop. Svaju vinu abvinavačanyja pryznali. Cima byŭ adpuščany pad zakład, a jaho tavaryš znachodzicca pad vartaj.
Čytajcie taksama: Sudziać Cimu Biełaruskich. Prakuror prosić dva hady chatniaj chimii
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2323
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki23
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary