Za zasvajeńnie Marsa čałaviectvu, mahčyma, pryjdziecca zapłacić žyćciami pieršych dobraachvotnikaŭ, jakija adpraviacca na čyrvonuju płanietu.
Pra heta paviedamiŭ kiraŭnik amierykanskaj kampanii Space X Iłan Mask, pieradaje CNN.
«Ščyra kažučy, kuča ludziej, vierahodna, pamre spačatku. Dabracca tudy niaprosta», — adznačyŭ jon.
Mask dadaŭ, što na vyvučeńnie Marsa buduć adpraŭlać tolki dobraachvotnikaŭ. Surazmoŭca CNN skazaŭ, što isnuje vialikaja kolkaść achvotnych uziać udzieł u takoj ekśpiedycyi.
Pa słovach pradprymalnika, ich čakajuć «vydatnaje padarožža» i «nadzvyčajny vopyt». «Tak, možna pamierci. Budzie niazručna, i ježa, vierahodna, budzie nie vielmi dobraj, i inšyja padobnyja rečy. Ale kali vas pryciahvaje ciažkaja i niebiaśpiečnaja, ale vydatnaja pryhoda, to Mars — samaje adpaviednaje dla jaje miesca» — reziumavaŭ Mask.
Na dumku zasnavalnika Space X, zavajavańnie Marsa, jak i inšych płaniet nieabchodna dla vyžyvańnia čałaviectva.
Letaś Mask kazaŭ, što jaho kampanija zmoža ŭpieršyniu dastavić čałavieka na Mars praz šeść hadoŭ. «Kali nam pašancuje, to, moža, i za čatyry hady», — mierkavaŭ jon. Adpraŭka bieśpiłotnaj misii SpaceX na Mars płanujecca na praciahu dvuch hadoŭ.
-
Servis, jaki dazvalaje dziaŭčatam abmieńvacca źviestkami pra mužčyn, staŭ samym papularnym u ZŠA. Ale niešta pajšło nie tak
-
Šeleh: Biełaruskija leki ničym nie adroźnivajucca ad starych preparataŭ bujnych farmaceŭtyčnych kampanij
-
Praz Soniečnuju sistemu lacić abjekt, pavodziny jakoha nahadvajuć kiravany kaśmičny karabiel
Kamientary