Dla žurnalista nie pryniali pieradaču, administracyja turmy paviedamiła, što žurnalist druhi dzień znachodzicca ŭ karcary, raspavioŭ Siarhiej Apanovič.
Heta aznačaje, što za ŭvieś termin, pakul jon budzie ŭ hetym bolš strohim miescy znachodžańnia ŭ haradzienskaj turmie, jamu nielha budzie pieradavać pieradačy i jon nie zmoža sustrecca z advakatam. Pa słovach žonki, siońnia jakraz minuŭ 50-y dzień znachodžańnia Dzianisa za kratami. I joj vielmi škada, što Dzianis nie zmoža adznačyć takoje śviata, jak Vialikdzień, niachaj sabie i turmie, kudy jana źbirałasia pieradać roznyja paschalnyja padarunki.
Nahadajem, što haradzienskaha žurnalista Dzianisa Ivašyna zatrymali 12 sakavika. Dzianis zajmajecca rasśledavańniami. U Biełarusi supracoŭničaje z «Novym Časam». Apošni jaho materyjał dla «NČ» byŭ pra toje, jak byłyja ŭkrainskija «bierkutaŭcy» ŭładkavalisia na słužbu ŭ biełaruskuju milicyju. Svajaki i kalehi miarkujuć, što zatrymańnie Ivašyna źviazanaje mienavita z hetym.
Ivašynu vystaŭlena abvinavačańnie pa 365-m kryminalnym artykule — «Umiašańnie ŭ dziejnaść supracoŭnikaŭ orhanaŭ unutranych spraŭ».
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Chto zabaraniaje ŭ Biełarusi knihi — voś hetyja 22 čałavieki33
Kamientary