Maryi Kaleśnikavaj vystavili kančatkovaje abvinavačańnie. Joj pahražaje da 12 hadoŭ
Jaje abvinavačvajuć adrazu pa troch artykułach Kryminalnaha kodeksa, piša Tut.by.
Maryju Kaleśnikavu abvinavačvajuć pavodle č. 3 artykuła 361 (Zakliki da dziejańniaŭ suprać nacyjanalnaj biaśpieki), č. 1 art. 357 (Zmova z metaj zachopu dziaržaŭnaj ułady niekanstytucyjnym šlacham), č. 1 art. 361-1 (Stvareńnie ekstremisckaha farmavańnia i kiraŭnictva im).
Joj pahražaje da 12 hadoŭ turmy.
Nahadajem, što ŭčora na staroncy Kaleśnikavaj u fejsbuku źjaviłasia vytrymka ź jaje lista, dzie jana kaža, što nie škaduje ab pryniatym hod tamu rašeńni dałučycca da kamandy Viktara Babaryki, jaki mienavita 12 maja abviaściŭ, što idzie ŭ prezidenty.
«Hod tamu ja pryniała samaje važnaje rašeńnie ŭ maim žyćci. Razumiejučy ŭsie ryzyki i vysokuju vierahodnaść, što ja apynusia tam, dzie ja ciapier, — ja z radaściu stała častkaj kamandy Viktara Dźmitryjeviča. Ni na siekundu nie škaduju ab svaim rašeńni i zaraz», — napisała jana.
Taksama raniej stała viadoma, što jašče adnamu členu Prezidyuma Kaardynacyjnaj rady i advakatu Kaleśnikavaj Maksimu Znaku vystavili kančatkovaje abvinavačańnie. Znaka abvinavačvajuć pa tych ža troch artykułach.
Asudžany za «Hajun» da chimii brat Ihara Łosika ŭciok ź Biełarusi1
Asudžany za «Hajun» da chimii brat Ihara Łosika ŭciok ź Biełarusi
Piśmieńnica Taćciana Zamiroŭskaja raskazała pra novuju knihu, sny pra Łukašenku, košt žyćcia ŭ Ńju-Jorku i toje, čamu złuje na niekatorych biełarusaŭ1616
Kamientary