Vyraście pamier subsidyi na arhanizacyju svajoj spravy: chto, kolki i na jakich umovach moža atrymać hrošy na biznes
Heta źviazana z rostam biudžetu pražytačnaha minimumu (BPM). Voś chto i kolki moža atrymać hrošaj ad dziaržavy na pačatak svajoj spravy.
Možna atrymać amal 10 tysiač rubloŭ
Z 1 žniŭnia ŭ Biełarusi vyraście pamier subsidyj na arhanizacyju svajoj spravy. Admietna, što z 1 červienia pretendavać na padtrymku mohuć nie tolki biespracoŭnyja, jakija źbirajucca adkryć IP, ale i ramieśniki i samazaniatyja.
U haradach pamier subsidyi składzie 11 biudžetaŭ pražytačnaha minimumu (BPM) — 5365 rubloŭ.
U sielskaj miascovaści, małych haradach i rajonach sa składanaj situacyjaj na rynku pracy pamier subsidyi budzie 15 BPM — 7315 rubloŭ.
Na maksimalnuju subsidyju pamieram 20 BPM — kala 9750 rubloŭ — mohuć raźličvać pradprymalniki, čyja dziejnaść źviazanaja z navukaj i raspracoŭkami.
Što treba zrabić, kab atrymać hrošy na biźnies ad dziaržavy:
- stać na ŭlik u słužbie zaniataści;
- prajści biaspłatnaje navučańnie asnovam pradprymalnictva;
- skłaści biznes-płan;
- padać zajaŭku na subsidyju.
Čas razhladu zajavy — 10 dzion.
Subsidyju nie moža atrymać toj, chto ŭžo raniej karystaŭsia takoj padtrymkaj, a taksama tyja, u kaho z momantu zakryćcia papiaredniaha biznesu prajšło mienš za hod.
Kab nie daviałosia viartać hrošy, atrymalnik padtrymki pavinien vieści dziejnaść nie mienš za 9 miesiacaŭ.
U 2024 hodzie subsidyju atrymali 831 čałaviek na ahulnuju sumu 4,1 miljona rubloŭ. Za pieršaje paŭhodździe 2025 hoda adkryłasia bolš za 400 IP, jakija atrymali padtrymku.
Ciapier čytajuć
Zmročnyja prahnozy spraŭdžvajucca. Čamu Zachad abiraje stratehiju «Nie złavać dzieda» i čaho čakać dalej2
Kamientary