Novyja technałohii ŭ budaŭnictvie.
Siońnia ludzi na Ziamli vykarystoŭvajuć bieton bolš, čym usie astatnija rečyvy, za vyklučeńniem vady. Praz heta na jaho vytvorčaść prychodzicca kala 8% suśvietnych vykidaŭ vuhlakisłaha hazu, što navat bolš, čym vykidy ad avijacyjnaj industryi (adpaviedna 2,5%).
Ale niekatoryja kampanii ŭsio ž sprabujuć zrabić bieton bolš ekałahičnym. Naprykład, brytanskaja firma Citu zaraz buduje ŭ horadzie Lids svaju štab-kvateru, vykarystoŭvajučy nizkavuhlarodny bieton. Pry jaho vytvorčaści kolkaść vykidaŭ u atmaśfieru była źnižanaja na 50% u paraŭnańni z vytvorčaściu zvyčajnaha bietonu, piša VVS.
Kab vyrabić taki bieton, vytvorca zamianiaje bolšuju častku cemientu ŭ jaho składzie na haračuju hlinu i nieabpaleny vapniak. Bolš za toje, užo daŭno viadoma, što možna zamianiać častku cemientu ŭ bietonie na popieł ad spalenaha vuhalu ci na vułkaničny popieł. Heta navat palapšaje moc i tryvałaść bietonu.
Inšy varyjant — prosta znajści novy sposab źmiešvać čaścinki piasku i kamienia, kab nie davodziłasia pieratvarać vapniak u aksid kalcyju. Naprykład, hetaha možna damahčysia praz reakcyju pad nazvaj hieapalimieryzacyja. Ale taki sposab pavialičvaje košt bietonu, tamu jon nie va ŭsich krainach aktualny.
Jašče adzin sposab zrabić bieton bolš ekałahičnym raspracoŭvajuć ekśpierty sieryi prajekta LEILAC, jaki finansujecca Jeŭrasajuzam. Dla hetaha vykarystoŭvajecca stalovaja truba vyšynioj 60 mietraŭ, jakuju dałučajuć da ŭžo isnujučaha cemientavaha zavoda. Na adnym z etapaŭ vytvorčaści cemientu vuhlakisły haz adsiejvajecca.
Na prykładzie cemientavaj pramysłovaści možna pabačyć, jakuju ŭvahu pačynajuć nadavać ekałohii ŭ raźvitych krainach.
Minčuk źniaŭ rolik pra čarhu ŭ paliklinicy, dzie było bolš za 150 čałaviek. Za heta na jaho napisali zajavu ŭ milicyju10
Kamientary