Namieśnik hiendyrektara BIEŁTA pa ideałohii źnik z radaraŭ u vieraśni, a znajšoŭsia ŭ sudzie. Padrabiaznaści
Siarhiej Adziarycha — u zusim niadaŭnim minułym namieśnik hienieralnaha dyrektara BIEŁTA, hałoŭny ideołah centralnaha aficyjnaha ahienctva, da taho pracavaŭ u administracyi Łukašenki i navat prymaŭ ź jaho ruk uznaharody. Jon źnik 21 vieraśnia minułaha hoda i z taho času na pracy nie źjaŭlaŭsia.
«Da kalektyvu daviali pazicyju, što jon zachvareŭ i na balničnym, — raskazvaŭ nam kaleha Adziarychi. — Paćvierdzić heta nie atrymlivałsia — numar byŭ to adklučany, to ŭ roŭminhu.
Jaho źniknieńnie pa časie supała z uzłomam kampjutarnaj sietki BIEŁTA, nu, ci nie ŭzłomam — niezrazumieła, jak heta nazvać. U majoj dyletanckaj traktoŭcy niechta zaraziŭ sistemu virusam i z archivaŭ pačali źnikać fajły, nibyta pieraciakajučy na inšy resurs — bajusia pamylicca ŭ detalach.
Niekalki dzion zmahalisia ź virusam, a potym pryniali rašeńnie farmatavać usie kampjutary, aproč hałoŭnaha archivu, jaki ŭdałosia častkova adnavić. Admietnaść taksama ŭ tym, što z archivaŭ źnikali fota i videa ź mitynhaŭ, zroblenyja karespandentami BIEŁTA. U tym liku pa hetych kadrach siłaviki identyfikavali pratestujučych.
Nie kažučy pra toje, što častka supracoŭnikaŭ BIEŁTA ŭdzielničała ŭ akcyjach, fotkajučy siabie na pamiać i zahružajučy potym heta ŭ archiŭ, što było peŭnaj prablemaj dla Adziarychi.
Jon niejak kinuŭ, što «vašy fotki ŭžo na ŭsich stałach lažać, na ŭsich redakcyjnych zadańniaŭ nie chopić!»
Jak akazałasia, zusim niadaŭna Adziarychu sudzili — jaho proźvišča znajšłosia ŭ sudzie Savieckaha rajona.
Artykuł 426 častka 2 — pieravyšeńnie ŭłady. Sankcyja artykuła — ad 2 da 6 hod pazbaŭleńnia voli. Sudździa — sumna viadomy Alaksandr Voŭk, jaki vynies šmat prysudaŭ pa palityčnych spravach.
«Naša Niva» źviazałasia sa svajakami Adziarychi, ale vyśvietliłasia, što jon na voli. Bolš detalaŭ rodnyja paviedamlać nie stali.
Abstaviny takoha raźvićcia situacyi nieviadomyja. Mahčymy jak varyjant taho, što jaho apraŭdali, tak i varyjant taho, što sudovaje rašeńnie pryniataje z adterminoŭkaj.
Čytajcie taksama: Čyhunačnik pra ŭzłom sistemy na Biełaruskaj čyhuncy: «Rabočyja radyja, što ŭsio tak adbyvajecca»
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary