Łukašenka zajaviŭ, što Biełaruś nie pašle svaje vojski va Ukrainu, ale paŭtaraje rasijski naratyŭ
Łukašenka zajaviŭ siońnia na pasiedžańni Rady biaśpieki: Biełaruś nie płanuje ŭdzielničać u śpiecapieracyi va Ukrainie.
«Biełaruskaje vojska nijakaha ŭdziełu ŭ bajavych dziejańniach nie prymała i nie prymaje. My možam heta dakazać kamu zaŭhodna», — skazaŭ Łukašenka.
«Bolš za toje, rasijskaje kiraŭnictva nikoli nie staviła pierad nami hetaje pytańnie — ab našym udziele va ŭzbrojenym kanflikcie, — padkreśliŭ Alaksandr Łukašenka. —
My i dalej nie źbirajemsia ŭdzielničać u hetaj śpiecapieracyi va Ukrainie. Niama takoj nieabchodnaści».
«My prykryvajem svaimi siłami dziaržaŭnuju miažu ad Bresta da Mazyra dla praduchileńnia praniknieńnia ŭ krainu radykałaŭ, zbroi», ‒ zajaviŭ jon.
Vinu za raźviazvańnie vajny va Ukrainie Łukašenka uskładaje na Zachad. Pavodle jaho, Zachad uzmacniŭ militaryzacyju rehijona, «uciahnuŭ u hetuju historyju ŭkrainski bok niazbytnymi abiacańniami pryniaćcia krainy ŭ Jeŭrasajuz i NATO».
Meta była «spravakavać nas, pierš za ŭsio Rasiju», — kaža jon.
Łukašenka taksama zajaviŭ, što ŭ Biełarusi pryviedzienyja ŭ hatoŭnaść srodki supraćrakietnaj abarony.
«Ministr abarony dałažyŭ mnie pra hatoŭnaść da prykryćcia zachodniaj miažy jašče piaćciu bataljonami. Pa-inšamu my nie možam. My pastajanna čakajem pravakacyj ad zachodnich partnioraŭ. To ŭ palitycy, to ŭ ekanomicy, to ŭ vajennaj śfiery», — zajaviŭ jon.
Jak Biełaruś saŭdzielničaje ŭ napadzie na Ukrainu: pakazvajem na mapie
«Nikoli nie budzie, što z terytoryi Biełarusi niejkija vojski atakujuć Kijeŭ. Ni-ko-li!» Pryvodzim zajavy Łukašenki pra vajnu z Ukrainaj
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary