U Biełarusi skončyła žyćcio samahubstvam studentka z Turkmienistana Haŭchier Abrajeva, paviedamlaje turkmen.news. Heta druhi padobny incydent z pačatku hoda.
Haŭchier naradziłasia ŭ 2000 hodzie, vučyłasia ŭ Mazyrskim univiersitecie.
Dziaŭčyna paviesiłasia ŭviečary 28 sakavika.
Dakładnyja pryčyny suicydu nikomu z adnakurśnikaŭ i znajomych Haŭchier nie viadomyja. Jany kažuć tolki, što za try dni da samahubstva siabroŭki zaśpieli dziaŭčynu ŭ pakoi internata, kali jana płakała. Jana skazała, što choča žyć, nie choča pamirać i sumuje pa rodnych u Turkmienistanie.
Turkmienskija dypłamaty zvyčajna nie dapamahajuć z transpartavańniem ciełam pamierłych hramadzian na radzimu. Ich chavajuć za miažoj siłami suajčyńnikaŭ. Tak było i z Haŭchier.
Suajčyńniki sabrali hrošy, kab arhanizavać pachavańnie na musulmanskich mohiłkach u Śmiłavičach niedaloka ad Minska. Na cyrymonii prysutničała kala 50 ziemlakoŭ.
Raniej, u navahodniuju noč, u Minsku skončyła žyćcio samahubstvam turkmienskaja studentka BDU Biahul Naŭbatava. Jana nie pajšła ź siabroŭkami śviatkavać Novy hod, patłumačyŭšy, što ŭ jaje niama kurtki pa siezonie. A viarnuŭšysia, tyja znajšli jaje paviešanaj.
Jak paviedamlaje sajt turkmen.news, Biahul, jak i bolšaść turkmienskich studentaŭ za miažoj, adčuvała surjoznyja finansavyja prablemy. Ułady Turkmienistana žorstka abmiažoŭvajuć sumy, jakija baćki studentaŭ mohuć kanviertavać dla adpraŭki dzieciam.
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam3
Kamientary