Jak kažuć dyzajniery, sioletniaja viasna pavinna być vielmi jarkaj. Zamiest ciomnych «zimnich» koleraŭ modnyja brendy prapanujuć nam aranžavy, zialony, ružovy i šmat inšych jarkich adcieńniaŭ. Z čaho varta pačynać, kali vy žadajecie zrabić svoj harderob jarčejšym?
Kab pryzvyčaicca da koleru, skancentrujciesia na jarkim abutku
Adzin z papularnych sposabaŭ dadać jarkich koleraŭ u harderob i trochi ažyvić vaš vobraz — heta vybrać tufli kidkaha adcieńnia. Lepiej za ŭsio padyduć maksimalna jarkija, ale i pastelnyja kolery pakinuć vas u trendzie, piša onet.pl.
Što da vybaru samoha abutku, aryjentujciesia na dva jaho typy — zručnyja krasoŭki ci kłasičnyja tufli na vysokich abcasach.
Šukajcie kalarovy šalik
Doŭhi i šyroki šalik z machrami — cudoŭnaje rašeńnie na viasieńni čas, kali nadvorje časta źmianiajecca, a ranicaj jašče choładna. Zamianicie šery ci ciomna-sini šalik na jaho anałah u pastelnych ci bolš jarkich kolerach, možna vybrać i šalik z uzoram — naprykład, u kletku ci pałosku.
Kali ž paciapleje, nadziavajcie šaŭkovy šalik z hrafičnym azdableńniem ci drobnym pryntam. Jon cudoŭna padydzie da kamplektu ź biełaj futbołki, džynsaŭ i palito «viarblužanaha» koleru. Nasicie taksama taki šalik z futbołkami i plisiravanymi spadnicami ŭ krapinku.
Jarkija i niejtralnyja kolery dobra pracujuć razam
Vobrazy «totał błek» — całkam u čornym — nie sychodziać z mody, ale ich možna zrabić jašče bolš trendavymi, kali dadać da ich koleru. Spracuje amal luby pradmiet adzieńnia, jaki vy možacie znajści. Navat maleńkaja sumka jarkaha koleru ažyvić vobraz, ale možna pajści dalej i abjadnać, naprykład, jarka-zialony, ružovy ci aranžavy žakiet u styli aviersajz z čornaj viazanaj sukienkaj ci inšaj asnovaj. Modnicy taksama kambinujuć jarkaje nie tolki z čornym, ale i ź inšymi niejtralnymi kolerami — biełym i biežavym.
Prosta apraniciesia ŭ jarkaje
Kali vy ŭžo ŭmiejecie nasić kalarovyja vobrazy, pasprabujcie skambiniravać u svaim adzieńni niekalki jarkich koleraŭ. Navat vobrazy ŭ kantrastnych kolerach, da jakich raniej dyzajniery stavilisia skieptyčna, ciapier u trendzie. Jak nakont jarka-ružovaj majki i čyrvonych štanoŭ, ci navat sukienki ŭ abodvuch kolerach adrazu? Jašče niekalki varyjantaŭ — aranžavy i fijaletavy, žoŭty i błakitny ci navat izumrudny i purpurovy, ale ž i bolš blizkija pa hamie kolery vas nie padviaduć.
Nu i vielmi aktualnymi buduć žoŭta-błakitnyja spałučeńni, chacia, kaniečnie, nie biez ryzyki ŭ Biełarusi.
Padšyvanyja kurtki na viasnu-2022: što prapanujuć dyzajniery
«Naša Niva» adnaŭlaje zbor danataŭ — padtrymać prosta
Ciapier čytajuć
Vyzvalenaja 18‑hadovaja palitźniavolenaja Maryja Misiuk4
Vyzvalenaja 18‑hadovaja palitźniavolenaja Maryja Misiuk
Kamanda maleńkaha karybskaha vostrava Kiurasaa ŭpieršyniu ŭ historyi zhulaje na čempijanacie śvietu pa futbole. Što za vostraŭ i jak takoje atrymałasia?33
Kamientary