Try miesiacy ŭ PKT spała basanož na chałodnaj bietonnaj padłozie. Andrej Šarenda raspavioŭ pra svaju niazłomnuju žonku
Andrej Šarenda raspavioŭ u Facebook, što jaho žonka Palina ŭ kałonii praviała 50 sutak u ŠIZA (karcary) i try miesiacy — u PKT (pamiaškańni kamiernaha typu).
«Stała viadoma, što ahułam za paŭhoda ŭ homielskaj žanočaj kałonii Palina praviała 50 sutak u ŠIZA (karcary) i try miesiacy jaje pratrymali ŭ PKT (pamiaškańni kamiernaha typu). Try miesiacy ŭ PKT Palina spała basanož na chałodnaj bietonnaj padłozie, a ŭ samoj kamiery z krana išła tolki chałodnaja iržavaja vada, i toje vielmi słabym strumieniem.
Ale Palina z žartami ŭspryniała svoj «sud» i novy termin. «Samy ciomny čas — pierad śvitańniem!» — upeŭnienaja jana. Palina navat z-za krataŭ bačyć, što dyktatarskija sistemy sparachnieli, paraśli ćvillu i chutka pojduć na dno śledam za ruskim vajennym karablom. Palina žadaje pośpiechaŭ ukraincam. A biełarusaŭ zaklikaje nie spyniacca ŭ svajoj baraćbie:
«My — razam!
Ciapier my Nacyja, vartaja Voli!
Nie spyniajemsia!» — napisaŭ Andrej Šarenda.
Letaś Palinu Šarendu asudzili pa troch kryminalnych spravach: pavodle art. 364 KK («Hvałt albo pahroza vykarystańnia hvałtu ŭ dačynieńni da supracoŭnika orhanaŭ unutranych spravaŭ»), art. 368 («Abraza prezidenta») i art. 369 («Abraza pradstaŭnika ŭłady»). Dali dva hady kałonii. Na svabodu jana mieła vyjści sioleta ŭ vieraśni. U lutym 2020 hoda jaje abvinavacili ŭ złosnym niepadparadkavańni patrabavańniam administracyi papraŭčaj ustanovy i dadali jašče adzin hod.
- Padtrymać Palinu možna listami, a taksama banderolami z prysmakami pa adrasie: SIZA-3. 246003, h. Homiel, vuł. Knižnaja, 1A, Šarenda-Panasiuk Palinie Siarhiejeŭnie.
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary