Alaksandr Łukašenka abmierkavaŭ ź pieršym vice-premjeram Mikałajem Snapkovym, staršynioj KDK Vasilom Hierasimavym i eks-kiraŭnikom banka BiełVEB Vasilom Maciušeŭskim stan spraŭ u bankaŭskaj śfiery, paviedamlaje BiełTA. Pakazalna, što na naradzie nie było kiraŭnika Nacbanka Paŭła Kałaŭra.
«Tema našaj karotkaj razmovy — bankaŭskaja sistema», — adznačyŭ Alaksandr Łukašenka.
Jon raspavioŭ, što zusim niadaŭna Kamitetu dziaržaŭnaha kantrolu było daručana pravieryć stan spraŭ u bankach — jak u pryvatnych, tak i dziaržaŭnych — i vyjavić niehatyŭnyja tendencyi.
«Akazałasia, što niedachopy ŭłaścivyja ŭsim našym bankam. I my robim adnaznačnuju vysnovu, što drenna pracujem z bankaŭskaj sistemaj, — zajaviŭ jon. — My nie stvaryli dla ich niejkuju pravavuju kalainu, u jakoj jany pavinny vyrazna raźvivacca, prytrymlivacca peŭnych normaŭ, praviłaŭ i zakonaŭ, nie vychodziačy za hetuju kalainu. Tady ŭ nas i atrymlivajecca: to Maciušeŭski niapravilna pastupiŭ, to Kałaŭr nie tudy zalez i hetak dalej».
Kamientary