«Biełarusy-ŭciekačy va Ukrainie — jak jaŭrei-ŭciekačy z nacysckaj Hiermanii ŭ 1930-ja. Prykra, što Kijeŭ hetaha nie razumieje»
Dyzajnier Staś Karpaŭ u siabie ŭ Fejsbuku padniaŭ pytańnie «debiełarusizacyi» Ukrainy. Jon napisaŭ, što jaho chvaluje i što nie chvaluje ŭ hetym pytańni. Publikujem jaho post.
Pakolki miortvym nie balić — ja nie chvalujusia za Bykava. Za ŭšanavańnie Bykava va Ukrainie i za čytańnie ukrainskimi školnikami Bykava. Za vypilvańnie biełaruskich nazvaŭ vulic i ŭsiaho takoha. Naadvarot, ja baču ŭ hetym stanoŭčy momant.
Kali biełarusy pamiracca z ukraincami — a jany pamiracca — kali biełarusy rastłumačać situacyju ŭ jakoj jany apynulisia, a ukraincy pačujuć, my ŭsio pačniom nanova i budziem nazyvać svaje vulicy imionami mastakoŭ, paetaŭ, muzykaŭ, piśmieńnikaŭ susiedziaŭ.
Ale nie tamu, što tak treba i tak vyrašyli niejkija biessensoŭnyja čuvaki ŭ kabinietach — a śviadoma. Heta budzie kruta, ja dumaju. Heta šaniec prajści historyju siabroŭstva — u śviadomym uzroście, a nie pavodle dynastyčnaha raźliku.
A voś što mianie chvaluje — dyk heta kali biełarusaŭ vypilvajuć z Ukrainy.
Razumiejecie, ja nie vielmi dobra viedaju historyju druhoj suśvietnaj, ale nie dumaju, što ź Vialikabrytanii masava departavali niamieckich ci italjanskich jaŭrejaŭ, jakija paśpieli zdrysnuć u jakim-niebudź 36-m tamu, što Hitler bambić Łondan.
Mahčyma, ukraincam heta ciažkavata zrazumieć — ale biełarusy, jakija da 24-ha lutaha žyli ŭ vašaj krainie — heta voś takija niamieckija jaŭrei 21-ha stahodździa. Na radzimie dla ich i śpiecyjalnyja słovy prydumanyja typu«zmahary, śviadomyja» i mietački-našyvački ŭ turmach. I śpiecyjalnyja artykuły. Pakul, praŭda, biez hazavych kamieraŭ.
Nu, prabačcie. Jak jość.
«Nijakich prablem niama, kali ty pryjechaŭ va Ukrainu pamirać». BČB-niavieście Inie Zajcavaj pahražaje departacyja z Ukrainy
-
Režym Łukašenki časova stanie mienš ahresiŭnym da susiedziaŭ, ale stratehična budzie imknucca da avałodańnia atamnaj zbrojaj
-
«Znajšli krajniaha», a «pastaviać sałdafona jakoha-niebudź». U sacsietkach adreahavali na zvalnieńnie kiraŭnika «Minsktransa»
-
Cyhankoŭ: Nie padazravaŭ, što Babaryka źjaŭlajecca prychilnikam sacyjalizmu — mary siaredniaha čałavieka
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary