U Homieli vykryli chitruju schiemu pa padrobcy miedycynskich receptaŭ
Žychar Homiela prydumaŭ sposab, jak zdabyvać recepturnyja leki abychodziačy daktaroŭ. Pra heta paviedamili ŭ Dziaržaŭnym kamitecie sudovych ekśpiertyz.
U śniežni supracoŭniki milicyi praviali pravierki ŭ niekalkich aptekach abłasnoha centra. Tam byli kanfiskavanyja jak aryhinały, tak i kopii receptaŭ na roznyja lekavyja srodki. Usie dakumienty byli zapoŭnienyja padobnym počyrkam, časta na adno i toje ž proźvišča — źmianialisia tolki inicyjały abo daty naradžeńnia. Padazreńni vyklikała i sapraŭdnaść samich błankaŭ, i adbitkaŭ piačatak.
Padčas apieratyŭnych mierapryjemstvaŭ ustanavili čałavieka, jaki, mierkavana, zajmaŭsia vyrabam i zapaŭnieńniem falšyvych receptaŭ. U jaho ŭziali ŭzory počyrku i pryznačyli počyrkaznaŭčuju i techničnuju ekśpiertyzy dakumientaŭ.
Ekśpiert pravioŭ detalovy analiz i znajšoŭ prykmiety, jakija śviedčać, što ŭsie zapisy ŭ receptach zroblenyja adnoj asobaj. Taksama vyśvietliłasia, što błanki i piačatki byli nadrukavanyja na drukarcy.
Śledstva ŭstanaviła, što mužčyna asabista davaŭ padroblenyja recepty ŭ roznych aptekach Homiela i takim čynam nabyvaŭ vialikija kolkaści lekaŭ, u tym liku mocnadziejnych preparataŭ, jakija adpuskajucca tolki pa pryznačeńni doktara.
Pa hetym fakcie raspačali kryminalnuju spravu.
Dźvie piensijanierki značna aščadzili na pucioŭcy ŭ sanatoryj, ale paśla pra heta paškadavali
U Minsku zatrymali 55 supracoŭnikaŭ machlarskich call-centraŭ
Zatrymali inšaziemca, jaki arhanizoŭvaŭ nielehalnuju mihracyju pad prykryćciom lehalnaha biznesu
U Łatvii vieterynarnaja słužba zaklikała nie kuplać chatnich žyvioł u Biełarusi. I heta nie prosta prychamać
Kamientary