U vas ranišni rejs, kiraŭnik pryznačyŭ sustreču na 8 ranicy, abo vam treba rana ŭstać, kab sabrać dziaciej u škołu. Usim nam časam prychodzicca pračynacca niezvyčajna rana, i ŭsie viedajuć, što pierad hetym byvaje duža ciažka zasnuć. Što ž rabić?
Pierš za ŭsio, ekśpierty papiaredžvajuć: kali vy nie možacie zasnuć, chvalavańni pra heta dakładna nie adhoniać biassońnicu. Naadvarot, tryvoha pra toje, što prosta zaraz vy hublajecie cennyja chvilinki snu, nie daść vam rassłabicca i zasnuć, piša CNN.
Pierš za ŭsio, kali vy nie pryvykli rana ŭstavać i kłaścisia spać, nie dumajcie, što ŭ vas lohka atrymajecca zasnuć a 9 viečara. Zamiest hetaha pačynajcie rychtavacca da snu za paru hadzin da taho, jak lažacie ŭ łožak, i idzicie spać kala 10 hadzin viečara. Starajciesia nie pić napoi z kafieinam i nie jeści sałodkaje paśla abiedu, a taksama paźbiahajcie ałkaholu pierad snom — usio heta nie daść vam lohka zasnuć.
Nie karystajciesia pierad snom mabilnym i kampjutaram, bo charakternaje dla ich błakitnaje śviatło prymušaje mozh dumać, što jašče doŭžycca dzień, i pieraškadžaje vypracoŭcy harmonu snu — miełataninu. Kab supakoić rozum, možna źviarnucca da praktyk miedytacyi — jany dapamohuć rassłabicca i lahčej zasnuć. Naprykład, skarystajciesia dychalnaj praktykaj 4-7-8, pra jakuju my padrabiaźniej pisali tut.
Kali ž narešcie prychodzić ranica i hučyć budzilnik, pastarajciesia jak maha chutčej uklučyć jarkaje śviatło i, kali tolki heta stanie mahčymym, vyjdzicie pad soniečnaje śviatło. Tak vaš mozh chutčej zrazumieje, što ŭžo nadyšoŭ dzień, i spynić vytvorčaść miełataninu. Kali atrymajecca, možacie poźniaj ranicaj zadramać na 20-30 chvilin, a potym jak maha raniej pajści spać viečaram, kab dapamahčy sabie krychu kampiensavać niedachop snu minułaj nočču.
Mahčyma, u vas atrymałasia zasnuć, ale ž u siaredzinie nočy vas abudziła niečakanaje paviedamleńnie ci terminovy zvanok. Što rabić tady? Pierš za ŭsio, pastarajciesia jak maha chutčej adkłaści hadžety ŭbok, bo błakitnaje śviatło ad ich pieraškadžaje snu, taksama nie sprabujcie myć posud, vychodzić na špacyr ci rabić niejkija inšyja aktyŭnyja dziejańni.
Kali ŭ vas na praciahu 10 chvilin nie atrymlivajecca znoŭ zasnuć, vyjdzicie ŭ inšy pakoj, uklučycie ćmianaje śviatło i pačnicie čytać nudnuju knihu. Možacie taksama zaniacca miedytacyjaj ci prosta rassłabicca i padumać pra niešta pryjemnaje.
Jak zasnuć u haračaje nadvorje? Piać parad, jakija vyratujuć nie adnu noč
U jaki čas sutak lepiej pić kavu
Brytanskija daktary zamianili leki ad biassońnicy niečym lepšym
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary