«Rasija ŭznačalvaje praces vyvadu z dehradacyi». Rasijskaja Jarmošyna pryjšła da Pucina z broškaj u vyhladzie litary Z FOTAFAKT
U piatnicu prezident Rasii sustreŭsia sa staršynioj rasijskaha Centrvybarkama Ełaj Pamfiłavaj. Jana pryjšła da Pucina z broškaj u vyhladzie simvała rasijskaj vajennaj ahresii va Ukrainie.
Pamfiłava raspaviała Pucinu pra tak zvany «adziny dzień hałasavańnia», jaki maje adbycca 11 vieraśnia. Pa jaje słovach, pieradvybarnaja kampanija ŭ Rasii idzie «poŭnym chodam» i «biez usialakaha rodu zbojaŭ», a roznyja palityčnyja siły demanstrujuć salidarnaść u padtrymcy «śpiecyjalnaj vajennaj apieracyi».
«Važna sabracca nam usim u kułak, kab pieramahčy tych, chto praktyčna zavioŭ čałaviectva ŭ tupik, pazbaviŭšy jaho ŭvohule mahčymaści naturalnaha raźvićcia. Heta značyć, čałaviectvu pakinuty imi adzin šlach — dehradacyja. I zrazumieła, što Rasija ŭznačalvaje praces vyvadu z hetaha tupiku, i ŭsie ludzi, nie tolki ŭ Rasii, mnohija heta razumiejuć. Ja dumaju, što ŭ hetym našaja siła. I ja chaču padziakavać pradstaŭnikam našych palityčnych partyj za toje, što jany ŭ hetym adzinyja. Treba spačatku pieramahčy, a potym raźbiracca ŭ svaich niuansach i ŭ tym, što nas padzialaje», — zajaviła Pamfiłava.
Raniej krynicy vydańnia «Mieduza» paviedamili, što ŭ ramkach adzinaha dnia hałasavańnia Kreml płanavaŭ pravieści refierendumy ab dałučeńni akupavanych terytoryj Ukrainy da Rasii. Ale z-za taho, što rasijskaje vojska pierastała prasoŭvacca ŭ Danieckaj vobłaści, refierendumy mohuć pieranieści na zimu.
Ciapier čytajuć
Što Babaryka i Kaleśnikava adkazali na pytańni pra vajnu97
Kamientary