Dahetul nieviadoma, jak kankretna na arhanizm upłyvaje zachvorvańnie na kavid, ale dakładna zrazumieła, što virus škodzić niervovaj sistemie, u tym liku i mozhu. Voś jak heta adbyvajecca.
Doŭhaterminovyja nastupstvy kavidu ŭsio bolš chvalujuć vučonych. Vyhladaje, što napieradzie ŭ čałaviectva chvala chraničnych zachvorvańniaŭ, vyklikanych pieražytym kavidam, i jany mohuć uźniknuć u bolš čym 100 miljonaŭ čałaviek. Bolšaść ludziej — niedzie 62-70% — skardzicca na toje, što paśla kavidu ŭ ich pačalisia razłady niervovaj sistemy, piša onet.pl.
Razmova nie tolki pra nieŭrałahičnyja prablemy, ale i pra razłady psichiki. Usio heta dakładna vyvučyli aŭtary daśledavańnia, apublikavanaha niekalki dzion tamu ŭ vydańni The Lancet Psychiatry.
Pačniom z dobrych navin: praca navukoŭcaŭ nie znajšła ŭ ludziej, što pierachvareli na kavid, doŭhaterminovaj ryzyki razładaŭ nakštałt pavyšanaj tryvožnaści ci depresii. Ale ž jość i drennyja vyniki: ryzyka šerahu niebiaśpiečnych chvarobaŭ, u tym liku depresii, moža zachoŭvacca ŭ byłych chvorych na kavid na praciahu da dvuch hadoŭ z momantu chvaroby.
Kab zrabić takija vysnovy, navukoŭcy praanalizavali danyja prykładna 1,2 miljonaŭ čałaviek, jakija zachvareli na kavid u pieryjad z 20 studzienia 2020 hoda pa 13 krasavika 2022 hoda, i paraŭnali ich z danymi anałahičnych pa stanie zdaroŭja i inšych charaktarystykach ludziej, jakija na kavid nie chvareli, ale pieranieśli inšyja reśpiratornyja infiekcyi.
Vyśvietliłasia, što ŭ tych, chto pieranios kavid, uzmacnialisia simptomy tryvožnych razładaŭ, ale na praciahu niekalkich nastupnych miesiacaŭ ryzyka pavyšanaj tryvožnaści i depresii ŭ hetych ludziej źnižałasia da ŭzroŭniu kantrolnaj hrupy. Tym nie mienš, navat praz amal dva hady paśla kavidu ŭ udzielnikaŭ daśledavańnia adznačali pavyšanuju ryzyku prablem z pamiaćciu i kahnityŭnymi zdolnaściami, demiencyi, psichatyčnych razładaŭ, epilepsii i sutarhaŭ.
Kali ž razmova išła pra bolš novyja štamy kavidu, to-bok pra deltu i amikron, to tyja, chto chvareŭ na ich, mieli pavyšanuju ryzyku išemičnaha insultu, prablem z pamiaćciu ci ŭvahaj, biassońnicy, tryvožnych razładaŭ, epilepsii i sutarhaŭ. Nastupstvy kavidu nie abminuli i dziaciej: u pieršyja paŭhoda paśla chvaroby tyja majuć pavyšanuju ryzyku prablem z pamiaćciu ci ŭvahaj, biassońnicy i sutarhaŭ.
Doktar Sałaviej: Iznoŭ pajšoŭ rost zachvorvalnaści na kavid, zaścierahajciesia i pryščaplajciesia
30% inficyravanych ludziej majuć postkavid. Voś u čym jaho niebiaśpieka
Stali viadomyja piać prykmiet novaha štamu kavidu, jakija vy možacie nie zaŭvažyć
Ciapier čytajuć
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie11
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie1
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Kamientary
Priedvidiec odnako.