Na radzimie Alesia Adamoviča paškodzili hrafici z vyjavaj piśmieńnika. Ale ludzi ŭsio papravili
Incydent adbyŭsia napiaredadni 95-hadździa Alesia Adamoviča, jakoje aficyjna adznačajecca 3 vieraśnia. Partret Alesia Adamoviča namalavany na prypynku hramadskaha transpartu ŭ pasiołku Hłuša. Nieviadomyja paškodzili na im tvar piśmieńnika, ale hramadskaść adrazu ž zreahavała, piša mogilev.media.
«U ramkach akcyi «Zrobim naš horad pryhažejšym» da adnaŭleńnia paškodžanaha abjekta padklučylisia vałanciory rajonnaj dziciačaj škoły mastactvaŭ. Staranna i achajna jany adnavili vyjavu piśmieńnika na ścienach prypynka», piša «Viečiernij Bobrujsk».
Art-abjekt z vyjavaj Alesia Adamoviča i cytataj ź jaho apovieści «Vixi» ŭ Hłušy zjaviŭsia ź inicyjatyvy babrujskaj supołki «Prypynak Adamoviča» ŭ 2018 hodzie. Cytata z tvoru «Vixi» była abranaja nie vypadkova, bo ŭ hetym tvory aŭtar padkreślivaŭ svaju luboŭ da rodnych hłušanskich miaścin.
Uvasobiŭ zadumu aktyvistaŭ mastak Alaksandr Błahij. «Prypynak Adamoviča» staić na vulicy, jakuju ŭ siaredzinie 1990-hadoŭ nie dazvolili nazvać imiem litaratara. U 2019 hodzie ŭ Hłušy adkryli biust Adamoviča. Joj na toj ža vulicy, što i prypynak z partretam piśmieńnika.
Ułady źbiralisia adkryć u Hłušy muziej Alesia Adamoviča. Pra jaho stali havaryć čynoŭniki ŭ 2016 hodzie. Pačali byli źbirać hrošy na dabračynny rachunak. 5 tysiač dołaraŭ na muziej achviaravała nobeleŭskaja łaŭreatka Śviatłana Aleksijevič, jakaja ŭvažaje Adamoviča za svajho nastaŭnika.
Ciapier pra namier adkryć muziej nie čuvać. Budynak ža staroj apteki, u jakim jaho źbiralisia raźmiaścić, praciahvaje razburacca. Byli prapanovy stvaryć muziej u pasiałkovym domie kultury. 3 vieraśnia ŭ im razhornuć litaraturna-muzyčnuju ekspazicyju «Praŭda žyćcia Alesia Adamoviča» da 95-hodździa słavutaha ziemlaka.
Aleś Adamovič pachavany na hłušanskich mohiłkach. Jany za try kiłamietry ad pasiołka. Na mahile lažyć vialiki vałun z vyhraviravanym kryžam Jeŭfrasińni Połackaj. Pobač ź piśmieńnikam pachavany jahony brat Jaŭhien, niepadalok mahiła ich maci Hanny.
Hanna Adamovič pracavała ŭ aptecy. U dakumientalnaj apovieści «Vajna pad strechami» Aleś Adamovič u pracy viaskovaj apteki pieradaŭ atmaśfieru žyćcia pasiałkoŭcaŭ pad nacysckaj akupacyjaj.
Ciapier čytajuć
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu10
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu6060
Kamientary