100 miljardaŭ dalaraŭ reziervaŭ Rasii apynulisia ŭ kitajskim «kapkanie»
Ukłaŭšy 17% zołatavalutnych reziervaŭ u juań, rasijskija ŭłady pryznali, što vyvieści srodki z kitajskich aktyvaŭ prosta tak niemahčyma. Dla hetaha patrabujecca dazvoł kitajskich uładaŭ, a «jaho budzie vielmi składana atrymać u kryzis», paviedamlaje Bloomberg.
Z 640 młrd dalaraŭ, jakija CB RF mieŭ pierad pačatkam vajny, kala pałovy trapili pad pieršuju chvalu zachodnich sankcyj. Heta dalary, jeŭra, japonskija jeny, brytanskija funty, a taksama aŭstralijskija i kanadskija dalary. U krasaviku pad sankcyi trapiła zołata.
Kala 2,3 tysiačy ton zachoŭvajucca ŭ Rasii i nie mohuć być aryštavanyja, ale pradać ich za miažu vielmi prablematyčna.
Ciapier ža kala 100 miljardaŭ dalaraŭ z apošnich nie zamarožanych reziervaŭ apynulisia ŭ kitajskim «kapkanie». Varta adznačyć, što sa studzienia da 1 žniŭnia rasijskija reziervy ŭpali z 640 da 579 miljardaŭ dalaraŭ.
Kamientary