Pryznačyli hranatamiotčykam. Žonka mabilizavanaha raspaviała, što jaje muža adpraŭlajuć na front paśla adnaho dnia navučańnia i bieź miedkamisii
Žonka mabilizavanaha ź Lipiecka Taćciana Dacenka raspaviała «Miedyjazonie», što jaje 45-hadovaha muža Andreja Kozyrava «adpraŭlajuć na liniju frontu z Danbasam» paśla adnaho dnia navučańnia.
Taćciana raspaviała, što jaje muž atrymaŭ pozvu a piataj ranicy 22 vieraśnia, u siem hadzin pajšoŭ u vajenkamat. «U 10:30 niedzie sabrali dva aŭtobusy i pavieźli ŭ Biełharodskuju vobłaść», — dadała jana.
Pa słovach žančyny, «vučeńni byli adzin dzień», a siońnia jaje muž paviedamiŭ, što ich adpraŭlajuć na liniju frontu. «Ich 1000 čałaviek, miedkamisii nie było», — dadała jana.
Dacenka kaža, što jaje muža adpravili ŭ 237-y tankavy połk (vajenna-ŭlikovaja śpiecyjalnaść u jaho «radavy»). Pavodle jaje słoŭ, jaho pryzvali jak hranatamiotčyka. «Jon telefanavaŭ znoŭ niedzie paŭhadziny tamu, stajać na placy, broniekamizelku i kasku vydali», — dadała jana.
Biełaruskija repietytary ŭ panicy: praz prablemy «Jandeksa» jany mohuć stracić materyjały, jakija napracoŭvali hadami32
Kamientary