«Viasna»: Hałoŭnaja nadzieja — što Nobieleŭskaja premija stanie mahčymaj pryčynaj vyzvaleńnia Alesia Bialackaha
Juryst pravaabarončaha centra «Viasna» Pavieł Sapiełka prakamientavaŭ dla «NN» prysudžeńnie Nobieleŭskaj premii miru Alesiu Bialackamu, šmathadovamu kiraŭniku hetaj arhanizacyi.
«Z adnaho boku, hetaja navina prosta ašałamlaje svajoj niečakanaściu. Ale ź inšaha boku, heta navina pra zasłužanuju ŭznaharodu jak dla Alesia, tak i dla našych kaleh z Ukrainy i Rasii, heta ŭ cełym pryznańnie kaštoŭnaści pravaabarony i pravaabarončych pierakanańniaŭ, dziejańniaŭ u abaronu pravoŭ čałavieka (Aleś Bialacki raździaliŭ uznaharodu z rasijskim centram «Miemaryjał» i ŭkrainskim Centram hramadzianskich svabod. — «NN»).
U hetym hodzie nie było nijakich źniešnich pieradumoŭ dla takoha rašeńnia, jano nie abmiarkoŭvałasia jak vierahodny vynik, ale hetaja niečakanaść i nie ździŭlaje. Usie tyja ludzi i arhanizacyi, jakija atrymali sioleta premiju miru, biezumoŭna, zasłuhoŭvajuć takoha pryznańnia.
Što datyčycca Alesia, maja hałoŭnaja nadzieja — što premija stanie mahčymaj pryčynaj, pa jakoj jon zmoža być vyzvaleny ŭ najbližejšy čas.
Nie chaču pakul dumać pra toje, ci paŭpłyvaje premija na ŭmovy, u jakich znachodzicca Aleś. Viadoma, jak ciapierašniaja ŭłada stavicca da pravaabarony i pravaabarončych kaštoŭnaściej, da dasiahnieńniaŭ ułasnych hramadzian na mižnarodnaj arenie, my pamiatajem, jak była acenienaja Nobieleŭskaja premija Śviatłany Aleksijevič».
«Naša Niva» — bastyjon biełaruščyny
PADTRYMAĆAleś Bialacki atrymaŭ Nobieleŭskuju premiju miru
Žonka Alesia Bialackaha: Bajusia spadziavacca
Staršynia Narviežskaha Nobieleŭskaha kamiteta zaklikała biełaruskija ŭłady vyzvalić Bialackaha z turmy
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała14
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary