Tolki pa adnym Smalavickim rajonie zaraz snoŭdaje 15 miadźviedziaŭ
Sustrakajucca ŭ roznych častkach prystaličnaha rajona.
Dzie ich zaŭvažali i jak pavodzić siabie pry sustrečy z drapiežnikam, raspavioŭ smolevichi-24.by viadučy palaŭnictvaznaŭca Smalavickaj palaŭničaj haspadarki Alaksandr Jančeŭski. Pavodle słoŭ śpiecyjalista, ciapier na terytoryi Smalavickaha rajona žyvie kala 15 miadźviedziaŭ.
Pry hetym palavańnie na hetych žyvioł zabaronienaje — miadźviedź zastajecca čyrvanaknižnym vidam.
Prysutnaść kasałapych fiksavali ŭ rajonie Babinaha lesu, Tadulina, kala palihona i Nacyjanalnaha aeraporta Minsk, a taksama ŭ vakolicach vioski Šemietava i na Usiažskich raźlivach.
Žychary Zialonaha Boru taksama pieradavali fatahrafii miadźviedziaŭ z fotapastak i videa sa śladami žyvioł u navakolnych lasach.
Niadaŭna adnaho z kłyšanohich zaŭvažyli ŭ poli na miažy Aziarycka-Słabadskoha i Usiažskaha sielsavietaŭ. Fatahrafijaj z redakcyjaj padzialiłasia miascovaja žycharka.
Na dumku palaŭnictvaznaŭca, bolš častyja sustrečy ź miadźviedziami nie abaviazkova aznačajuć, što žyvioł stała bolš.
Adna z pryčyn — ludzi sami stali bolš aktyŭna chadzić u les. Akramia taho, praz terytoryju rajona mohuć prachodzić mihrujučyja asobiny.
— U lesie šmat hrybnikoŭ, a miadźviedzi bajacca ludziej, voś i pierachodziać ź miesca na miesca, — rastłumačyŭ Alaksandr Jančeŭski.
Sa słoŭ śpiecyjalista, pra sustrečy ź miadźviedziami časam raskazvajuć i palaŭničyja. Zaraz adkryty siezon palavańnia na dzikoŭ, łasioŭ, aleniaŭ i kazul, tamu ludzi čaściej byvajuć u lesie.
Sam palaŭnictvaznaŭca, jaki rehularna vyjazdžaje nočču ź ciepłavizaram, pakul asabista miadźviedzia nie sustrakaŭ.
Što rabić, kali sustreli miadźviedzia
- — nie kryčycie i nie sprabujcie prahnać źviera;
- — nie rabicie rezkich ruchaŭ;
- — nie nabližajciesia da žyvioły;
- — spakojna pačynajcie adychodzić u procilehły bok;
- — dajcie miadźviedziu mahčymaść syści.
Hałoŭnaje — nie panikavać i nie sprabavać samastojna prahnać kłyšanohaha. Žyviolina, jak praviła, sama imkniecca paźbiehnuć sustrečy z čałaviekam.
Ciapier čytajuć
Ceny na kvatery ŭ «Minsk-Śviecie» padajuć, a ŭ Minsku — rastuć. Sumnyja pierśpiektyvy dla rajona?5
Kamientary
I darečy, hłupstva, što ludzi "bolš stali chadzić u les".
Naadvarot, zaraz ludzi karystajuć les kudy mieńš, bo ŭrbanizacyja i intensiŭnaja sielskaja haspadarka dazvalaje dobra žyć, nie karystajučy lasnyja resursy. Jašče 100 hadoŭ tamu narmalna było štodnia tudy chadzić, i nie hulać, a pa spravie.
Plus zabota ab ekałohii, jakaja značna źmienšyła ciažkija mietały i inšyja letalnyja rečyvy ŭ antrapahiennych ekasistemach, pryviała da taho, što źviary žyvuć bližej da ludziej.
Tamu miški i hulajuć svabodna - što ludzi ich nie palujuć i značna mieńš aktyŭničajuć u lasach. Miška śmialeje.